BIDUANA, Bidui jejunium, ut Triduana, tridui. Capitula Caroli M. lib. 5. cap. 136. 207. e Capit. Episc. ann. 779. :

Et Biduanas omnes faciunt tam Episcopi, Monachi, et Monachæ, quam Canonici, etc.

Decretale precum Episcopor. ann. 779 :

Et faciunt Biduanas, atque eorum homines in eorum casatis, etc.

Rabanus Maurus lib. 2. de Instit. Cleric. cap. 26. de origine Biduanæ, sive Triduanæ :

Biduanum morem jejunii unde sumptum, quod Apostoli jejunaverunt illo biduo, quo Dominus passus et sepultus est.

Vide Cumeanum de mensura pœnitentiarum cap. 11. Bedam de Remedio peccat. cap. 15. Novatum Catholicum in Homil. ad Fratres, Capitula Theodori Cantuarensis cap. 10. Edit. V. Cl. Jacobi Petiti, Grimlaicum in Regula Solitar. cap. 54. Cassian. Collat. 2. cap. 24. S. Augustin. lib. 1. de Morib. Eccl. cap. 33. Reginonem lib. 2. de Ecclesiast. disciplin. cap. 442. 446. Ratbodum Noviom. in Vita S. Godebertæ num 5. Vitam S. Samsonis Episc. Dolensis lib. 1. cap. 10. lib. 2. cap. 12. Vitam S. Winwaloei Abb. n. 20. Chronicon S. Vincentii de Vulturno pag. 673. Petrum Damian. in Vita S. Romualdi cap. 3. lib. 6. Epist. 27. Matth. Wesmonast. pag. 135. Florentium Wigorn. pag. 631. Ratherium Veronensem serm. 1. de quadragesima cap. 8.