« »
 
[]« Biennum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 655a. http://ducange.enc.sorbonne.fr/BIENNUM
◊ Bienna definiuntur in Consuetudine Pictavensi art. 99. Corvées tant d'hommes que de bestes, Corvatæ tam hominum, quam jumentorum. Bianis, in Consuetud. Andegav. art. 499. Santonensi art. 131. 132. Inculismensi art. 22. Bians, in Pictav. art. 102. 190. Angeriacensi art. 131. 132. et Castelletensi art. 4. 5. Bans-Arbans, in Marchensi art. 499. Le bien, in Charta Mauritii de Bellavilla Dom. Ganaschiæ ann. 1265.
Habent etiam le Bien ad vindemias faciendas quamdiu duraverint.
Infra :
Biennium ad ligna ad portandum in Natali Domini ; et hoc semel.
Charta Archembaldi D. Soliaci ann. 1150 :
Pacem inter se ea lege fecerunt, quod Milites facient ei per homines suos octo dies de Bienno in anno 4. in Februario in aiis (hayes) faciendis, et 4. in Maio in fossetis. Etsi in his duobus terminis de Bieno requisitio facta non fuerit, usque ad alterum annum non respondebunt ei.
Charta Theobaldi Blesensis Comitis et Franciæ Senescalli ann. 1181. ex Tabulario Ecclesiæ Carnotensis num. 47 :
Mille libras mihi dederunt cum tali conditione, quod si deinceps quoquo modo murum cadere aut dirui, vel fossatos impleri contigerit, non teneantur amplius vel in muris vel in fossatis aliquid mittere, sed ab omni Bienno quod in eis habebam ipsi et omnis terra Capituli quiti in perpetuum remaneant et absoluti.
Charta Vicecomitis S. Florentini de Donatione quam fecit monasterio S. Germani Autissiod. ann. 1189 :
Dedi etiam eis novem denarios, quos ab unoquoque de hominibus eorum causa Bieni mei singulis annis accipiebam.
Quo ex loco patet Biennium, ut et alias servitutes omnes, interdum pecunia redemptum fuisse.
P. Carpentier, 1766.
◊ Charta Thomæ abb. S. Germ. Prat. ann. 1249. in Reg. 30. Chartoph. reg. ch. 467. apud Guerard. post. Irminon. pag. 385. :
Homines de dicta Villanova et de Valentone tenentur nobis et ecclesiæ nostræ in 75. modiis vini annui redditus, pro redditu, qui dicitur Bien.
Charta ann. 1325. in Reg. 64. ch. 360 :
Et ainsi demourant quite en paiant ledit blé chascun an dudit Biain de bois pour ardoir, réservé au roy et à la royne, se il venoient audit chastel de Lezignen, que il pourroient prendre ledit Biain, se il leur plaisoit ; et en celi cas que il prenroient ledit Biain, ne paieront riens doudit blé de celle année ; et réservé au roy le Biain desdiz habitans, que il doivent et ont acoustumé ancienement à faire aus refections et appareillemens dudit chastel. Item les corvées ou Biains de Venours des personnes, bestes et charretes, sont estimé à cent sols,
in Charta ann. 1326. ex eod. Reg. ch. 713. Quod servitii genus, ut ex his aliisque abunde patet, crebro non tantum pecunia, sed etiam specie frumentaria vel vinaria redimebatur. Vide Bien. et Glossar. Irminon. []
les Bénédictins de St. Maur, 1733–1736.
Bianium, apud Stephanot. Antiq. Pictav. MSS. tom. 3. pag. 864 :
Retinuit Bianium rusticorum ad castrum Luciacum et ad conducendas suas annonas, inde sui antecessores conduxerunt.
Biannum. Charta Hugonis Comitis Marchiæ ann. 1270. in Tabul. S. Hilarii Pictav. :
Exigat (Comes) Biannum ab hominibus mansionariis prædictorum locorum, nisi ter in anno in terminis infra scriptis, etc. Et tunc habebunt nec exigent ad faciendum Biannum, nisi de singulis bordariis unum bovem vel aliud animal arans, etc.
In Tabulario Burguliensi Ch. 60 :
Biannum ad reficiendum fossata castri de Maravento.
Liber Chirographorum Absiæ fol. 21 :
Adjutoriam boum et quadrigarium suarum, quod Biannum vocatur, sicut alii homines nostri nobis facient.
Stephanot. Antiq. Pictav. MSS. tom. 4. pag. 408. ex Charta anni 1232 :
Expeditionem quoque et exercitum, Biannum, bosquetallum, in quibus teneri mihi eosdem homines proponebam.
les Bénédictins de St. Maur, 1733–1736.
Bianum, in Charta ann. 1192. apud Marten. tom. 1. Anecd. col. 649 :
Sint liberi et immunes per totam terram nostram, tam per terram quam per mare conductio facta absque venda.... navagio, monagio, Biano, etc.
Idem occurrit in Charta ann. 1277. apud Stephanot. tom. 3. Antiquit. Benedict. Pictav. MSS. pag. 927.
P. Carpentier, 1766.
Biannium, Eadem notione. Charta ann. 1098. inter Probat. Hist. Sabol. pag. 359 :
Cum Biannio et Corvea hominum meorum ad reparandum et faciendum fossata, et exclusas, et calciatas, et ad ducendum ligna, et mollas.
P. Carpentier, 1766.
Biannus, in Charta Guill. de Bellesme episc. Catalaun. ann. 1228 :
Quittavit eis..... tallias, corveias, Biannos, etc.
Bias. Tabular. S. Eparchii Inculism. fol. 37. 38 :
Similiter facient eis quinque Bias, unum ad frumentum faciendum, alium ad avenam, tertium a proffendra, quartum in nemore, quintum in vindemiis, et hoc faciant, sive habeant bovem, sive non habeant.
Infra :
Omnia autem servitia de Bias, de avena, de gallinis, etc.
les Bénédictins de St. Maur, 1733–1736.
Bidamium. Chartular. S. Cypriani Pictav. fol. 110 :
Cadelo Vicecomes in tempore Gisleberti Abbatis omne Bidamium et præhensionem arietum et de porcis..... condonavit Monachis.
Bidannum, in Literis fundationis Abb. Omn. SS. Andegav. ann. 1408 :
Istas consuetudines perdonat Goffridus Comes in perpetuum Deo et S. Mauritio, etc. In curte Spinacii totum vinagium et totum carragium boum et asinorum, et Bidannum villanorum ad 15. dies in anno.
Alia ejusdem Comitis pro Abbat. SS. Sergii et Bacchi :
Similiter de tota terra Thoriniaci vicaria in totam, Bidannum et universas consuetudines, excepto avenagio et fodrio.
Alia charta Tabularii ejusdem monasterii, qua Aimericus filius Judicaliæ donat Monachis
omne Bidannum de illorum hominibus manentibus apud Chamariacum in omni terra illorum.
P. Carpentier, 1766.
Bidannium, in Charta Alani III. ducis Brit. tom. 1. Probat. Hist. Brit. col. 373 :
Bidannium sancto Martino infra Veterem vicum Albani reddant.
les Bénédictins de St. Maur, 1733–1736.
Biegnium. Charta ann. 1258. apud Thomasserium Consuetud. Bituric. pag. 156 :
Nullus eorum reddet nobis vel hæredibus seu successoribus nostris dominis Castri-novi Biegnium seu corvatam.
Biennium. Tabularium S. Hilarii M. Pictavens. :
Ad castrum Rofiacum claudendum, Biennium, si vocati fuerint, tenentur homines nostri, non impediti necessitate panem suum coquendi, vel ad [] furnum, vel ad molendinum eundi, vel vocationis biannii B. Hilario ante factæ.
Vide Probat. Hist. Castillionensis pag. 53. Thomasserium in Consuet. Bituric. lib. 1. c. 61. 68. etc.
Biennus. Charta Ludovici Comitis Blesens. et Claromont. pro Monasterio Bonæ-vallis ann. 1198. ex Archivo ejusdem loci :
Homines Bonævallis ad defensionem eorum cum aliis hominibus ibant et faciebant Biennos suos in Episcopatu Carnotensi, etc.
P. Carpentier, 1766.
Bienum. Charta Archembaldi domini de Soliaco apud Thomasserium Consuetud. Bitur. pag. 714 :
Quod milites facient ei per homines suos octo dies de Bieno in anno.
les Bénédictins de St. Maur, 1733–1736.
Bihennium, in Charta ann. 1283. ex Tabul. San-Dion. :
Octo libras pro uno mengerio..... charteium seu Bihennium, vinagium, harpagium.
Biennarii, Qui biennium præstant. Charta laudata ann. 1265 :
Sed a Castellania de Machecolis vavasserii dabunt comedere omnibus Biennariis suis, exceptis illis qui fœnabunt fœnum, etc.
Hujusmodi sunt quos describit Froissartes 2. vol. c. 74.
P. Carpentier, 1766.
◊ Biannaux et Biennaux, in Lit. remiss. ann. 1475. ex Reg. 204. Chartoph. reg. ch. 67 :
Le village de Martinet est tenu et chargé envers le seigneur de S. Mesmin de plusieurs biains de beufz, mesmement d'aler querir ou pays de Thouarçois les vins dudit seigneur de S. Mesmin par chacun an, à sa semonce...... Le suppliant et plusieurs autres Biannaux dudit seigneur de S. Mesmin furent semons, etc.
Infra pluries Biennaux. Vide supra pag. 570. col. 2.
Biennabiles, Bienniis obnoxii, Biennables, in Consuetudine locali Castelli novi in Biturigib. art. 4.
◊ Has porro voces omnes effictas esse constat a Bannum, quod qui tenerentur ad ejusmodi corvatas et manoperas, proclamatione et banno solenni ad eas præstandas evocarentur.
les Bénédictins de St. Maur, 1733–1736.
◊ Quod quidem etymon quamvis a vero minime aberrare existimet D. de Lauriere, conjecturam nihilominus D. Hevini eadem hac de re haud prætermittendam idem censet ; ejusmodi scilicet corvatam sic dici, quod a subditis in colligendis terræ fructibus (quod Gallice dicimus, les biens de la terre) potissimum debeatur. Biennia vero seu Bibennia appellata opinatur Gallandus
quod bis in anno præstarentur, nisi aliud convenisset.
© École des chartes.