« »
 
[]« Bifax » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 656b. http://ducange.enc.sorbonne.fr/BIFAX
BIFAX. Glossæ Isidori : Bifax, duos habens obtutus. Gloss. Lat. Gr. : Bifax, δίϰρομος, διπρόσωπος, διττός. Vulcan. emendat, διχρωμος. Cummianus Hibernus de Controversia Paschali :
Sed si quid forte impolitum vel vitiosum per immunda labia dixi, bicipiti labii vestri forcipe per igniferum Esaianum altaris Dei carbonem tangite, et præputium inculti logii Bifacis ter quaternis cultris Ben-Nun quinis denis digitulis humatis cum plebis præcidite prioris præputiis.
Befax, Befarius, Bifacius. Papias : Befax, mendax, Befarius, bilinguis. Idem Bilinguis, fallax, Bifarius, vel duas linguas habens. Vet. Gloss. San-German. n. 501 : Bifarius, Bilinguis. Commodianus Instr. 24 :
Quid in synagoga decurris ad Bifarios.
Isidorus Pacensis Episcopus in Chron. æra 772 :
Arabas sine effectu ad propugnacula Maurorum mittens, navibus præstolabiliter adventatis, maria transnatat : si quos ex eis contradictores vel Bifarios, seu male machinatores aut hæreticos, quos illi augeres vocant, reperit, gladio jugulat.
In edit. ann. 1729. hæc ad æram 775. Deinde
mali machinatores... quos illi Asures vocant
, etc. Ex eo Rodericus Toletanus in Hist. Arabum cap. 15 :
Contradictores, Bifarios, et rebelles interfecit.
Hinc forte Beffa, Italis pro ludificatione, et Beffare iisdem, nostris Beffer, illudere, verbis fallere, ludificare. Perperam enim a βάπτειν, etymon harum vocum accersit Acharisius. Vide Ægid. Menagium in Orig. Italic. in Beffa, et Ferrarium in Buffa.
© École des chartes.