BINA 2, Glossarium mediae et infimae latinitatis, Du Cange et al.

« 2 bina » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 661a. http://ducange.enc.sorbonne.fr/BINA2

2. BINA, Locus contectus, ubi mercatores merces suas venum exponunt. Pactum ann. 1198. apud Murator. tom. 2. Antiq. Ital. med. ævi col. 889 :

Binam, mercatoribus Mutinæ in foro Ferrariæ assignatam pro drappis grossis, eis conservabo.

Aliud ann. 1208. ibid. col. 873 :

Item debeant dare et designare stationes... draperiis, qui vendant pannum coloris in Bina Lombardorum apud Mediolanenses.

Charta ann. 1212. ibid. tom. 4. col. 711 :

Piliparios Mutinæ ponam in rectitudine Binæ pilipariorum Ferrariæ, et tenebo de soto. Et merzarios Mutinæ ponam et tenebo in Bina merzariorum Ferrariæ.

L. Favre, 1883–1887.

◊ Prope Binas effodiebantur opportune foveæ ad cibaria vel aliud condendum ac reponendum, quæ, mercato habito et Binis destructis, illis qui Binas fecerant replendæ erant, ne pœna sequeretur. Stat. Bonon. ann. 1250-67. tom. ii. pag. 82 :

Item statuimus quod foveas Binarum mercati illi qui faciunt Binas teneantur facere impleri et calcari, destructis Binis infra octo dies, et habeant a comuni pro quolibet mercato xl. soldos bononinorum, et si predicta non observaverint condempnentur in duplum dicte pecunie, cujus medietas sit accusantis.

fr.