Pour la déplaisance que ladite damoiselle (Jehanne Oisellete, femme de feu Jehan le Rique, demeurant à Corbie) eust de ce que elle, qui estoit de si grant lignaige, avoit espousé ledit phisicien (en secondes noces) et que à sesdiz amis desplaisoit, par la temptacion de l'ennemi se pendi par son col et estrangla, ainsi que iceulx amis le disent ; supplians que considéré ce que dessus est dit et le lignaige dont elle estoit, il nous plaise ottroier que son corps ne soit ars ou autrement exécuté pour la cause dessusdite. Pourquoy nous, eu regart à ces choses,........ ottroions par ces presentes..... que le corps d'icelle défunte ne soit ars, ne mis à exécution quelconque pour la cause dessus dite, ainçois puist estre enterré, comme il appartiendra et sera à faire.