1. BISSA, ex Gallico, Biche, vel Bisse, Cerva major. Inquisitiones de statu forestarum Edw. III. :

Ceperant unam Bissam in foresta.

Mox :

Et duos vitulos Bissarum.

Aliæ Inquisitiones ann. 1170. apud Gervasium Dorobernensem :

Et de his qui in forestis suis forisfecerunt de cervis et Bissis, et aliis bestiis salvagiis.

Monasticum Anglican. tom. 2. pag. 592 :

Omnes decimas de piscariis meis, et de cervis, Bissis, et porcis quos canes mei capient de motu meo.

Rymer. tom. 5. pag. 828. col. A. :

In foresta nostra... decem et novem cervos, quatuordecim Bissas, decem et septem vitulos... cepit.

Philippus Mouskes, in Hist. Francor. MS. de Guillelmo Rufo Rege Angliæ :

Et quant vint al cief de sept ans,

Si fu le bos crus et grans ;

Ciers i mit, et Bisses, et dains,

Puis connins, lievres, et ferains, etc.