« »
 
BISSEXTUS 1, BISSEXTUS 2.
[]« 1 bissextus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 668c. http://ducange.enc.sorbonne.fr/BISSEXTUS1
1. BISSEXTUS, Infortunium, malum superveniens, vulgo etiam nostris hac notione. Ordericus Vitalis lib. 12. pag. 882 :
Tunc Bissextilis erat annus, ac sicut vulgo audivimus, super proditores revera corruit Bissextus.
Lib. 13. pag. 905 :
Hic tumultuosus annus vere Bissextilis fuit, et tunc ultimus in ordine concurrentium Bissextus cucurrit, at ut vulgo dicitur, Bissextus super Regem et populum ejus in Normannia et Anglia cecidit.
Vulgaris etiamnum loquendi formula,
le Bissexte est tombé sur une telle affaire
, cum res illa male cessit. Joannes Molinetus in Calendario fol. 101 :
Pour ce que Bissextre eschiet,
L'an en sera tout debauschiet, etc.
Notum autem ex Macrobio lib. 1. Saturn. cap. 13, infaustum Bissextum sæpius Romanæ Reip. fuisse. Ammianus lib. 26 :
Vel videri die secundo, nec prodire in medium voluit, Bissextum vitans Februarii mensis tunc illucescens, quod aliquoties rei Romanæ fuisse cognorat infaustum.
P. Carpentier, 1766.
◊ Hinc procul dubio corrupta loquendi formula inter plebeios Normannos usitata, Porter Besot vel Bisieutre, Infausti ominis esse : facile enim ibi agnoscitur vox bissestre, pro Bissexte. Vide de Brieux in Origin. Consuet. ant. et var. loquendi formul.
les Bénédictins de St. Maur, 1733–1736.
Bissextilis annus, Eadem notione, apud Marten. Anecdot. tom. 4. col. 247. A. in Concilio Trevir. ann. 1310 :
Fructus præbendarum suarum per annum unum et post eorum obitum sibi retinere et appropriare contendunt, annum talem, qui juxta hoc pro successoribus et Ecclesiis Bissextilis, (id est infelix, infructuosus) dici debet, annum gratiæ nuncupantes, etc.
© École des chartes.
[]« 2 bissextus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 668c. http://ducange.enc.sorbonne.fr/BISSEXTUS2
2. BISSEXTUS, Exactio, nescio quæ ab Episcopis fieri solita. Synodus Pictavensis ann. 1280. cap. 111 :
Monemus in generali quod de Bissexto et aliis juribus Episcopalibus reddant nobis, vel mandato nostro, item de synodo, parata, et aliis juribus Archidiaconorum, Capicerii, et aliorum Prioratuum Ecclesiæ nostræ sibi (sic) ab his qui ad ea tenentur satisfactum, antequam recedant
(e Synodo). Litter. Fundat. Monast. Schwabenheim, ann. 1130. in Guden. cod. Diplom. vol. 1. pag. 90 :
Et tam a servicio nostro, quam ab Archidiaconi, quod Bissextili anno persolvitur, quod vulgariter Girlose dicitur,... libera permaneat.
Charta ann. 1170. ibid. pag. 260 :
Heinrico, Preposito in Aschaffinburg... justitiam Bissextilis anni, que ad nos pertinet, que latine Cathedraticum vulgariter vero Kirclose appellatur in beneficium concessimus.
Chart. Burchardi Ep. Wormat. ann. 1142. ap. Schannat. Ep. Wormat. probat. num. 80. et in Guden. Syllog. pag. 4 :
Inbeneficiavi ei... censum illum de Ecclesia Steinahe, qui respicit ad manum Episcopi in anno Bissextili, qui vulgariter dicitur Kirchlose.
Vide Haltaus. Glossar. German. col. 1088. voce Kirchlose et infra Cathedraticum.
© École des chartes.