BLOGMUS, Genus, ut videtur, placentæ, vel potius carnis crusta inclusæ et incoctæ, Gall. Pâté, vel minutalis, Pâté en pot. Codex MS. Consuetudinum Ecclesiæ Coloniensis ex Chartulario Ecclesiæ Atrebat. :

In quatuor diebus Nativitatis dantur quolibet die quatuor Blogmus tantum præsentibus, qui sic dividuntur. Primo die ab una parte chori dantur duo Blogmus. Unum Blogmus datur majori officio... Dividuntur Blogmus... pro carnibus pro quibus emendis ad Blogmus... Dantur duo Blogmus.

Et alibi :

Magister coquinæ dat quolibet die tria salsucia et totidem belste... et ligna et alia ad Blogmus necessaria ministrabit ; et villicus de Pafferode dat quatuor denarios ad emendas ollas in quibus Blogmus reponitur.

Et iterum :

Magister coquinæ providebit sal pistrino et budele, et carbones in hyeme et sagimen ad Blogmus.