BLOTUS, pro Blocus, ni fallor ; nam Bloc, non Blot, eadem acceptione dicimus ; Summa, Gall. Total : Chron. ad ann. 1490. inter Probat. tom. 3. Hist. Nem. pag. 8. col. 2 :

Linguæ Occitanenses dicebant quod villæ francæ et liberæ,... ac eciam gentes ecclesiasticæ, nobiles ruralia possidentes, et alii privilegiati debebant comprehendi et universum Blotum, sive universitatem (universalem) summam augere, sicuti comprehenduntur in patria linguæ ; quod alii detestabile repputabant. Tandem obtinuerunt quod..... dictæ personæ Blotum universale non augmentabunt.