BODULA, Bodulla, Terminus, limes, meta, Gall. Borne ; Bodulare, Bodulas seu limites figere ; Bodulatio ipsa Bodularum positio, Gall. Bornage. Charta ann. 1295. inter Probat. tom. 4. Histor. Occit. col. 105 :

Ordinamus quod locus Salva-guardæ, divisus per nos dictum Arnaldum de Podio, et per Guilhermum Cathalani Bodulatus et limitatus, sic remaneat divisus, Bodulatus et terminatus ;..... cujus loci quædam pars erit dom. comitis Fuxi, prout est ultra Bodulas et terminos versus terram dicti dom comitis ; et alia pars dom. Mirapiscis, prout est citra Bodulas et terminos versus terram dicti dom. Mirapiscis.

Pactum inter dominos de Lisigniaco et de Pedenacio ann. 1331. in Reg. 69. Chartoph. reg. ch. 180 :

Et tunc dictus procurator regius.... interrogavit a dictis consulibus et consiliariis, quod ante omnia sibi dicerent et revelarent, si qua dubia vel quovis modo dampnosa erant vel sciebant in facto Bodulationis, et limitationis, de quo in præsenti tractabatur.... Processus factus et habitus super facto dictæ limitationis et Bodulationis, et an expediret juri dom. nostri regis, et castri de Pedenacio et universitatis ipsius facere ipsam Bodulationem et limitationem...... Deinde....... eundo, Bodulando et terminando, et sequendo juxta Bodulas, terminationes seu limitationes factas hactenus positas inter gentes de Pedenacio ex parte una, et gentes de Lesigniaco.... Eundo a supra proxime dicta Bosula (sic) usque ad quamdam aliam Bosulam sive terminum, etc.

Reg. Olim parlam. Paris. ad ann. 1315 :

Plures malefactores...... Bodullas sive metas in terra et justitia religiosorum situatas evulserunt.

Vide infra Bonna 2, Bondula et Bosula.