1. BOERIA, Prædium rusticum, idem quod Mansus, certa nimirum agri portio quæ colitur, et in qua colonus habitat. Reg. Cam. Comput. Paris. sign. JJ. rub. fol. 1. v°. ad ann. 1273 :

Poncius d'Arbenaz miles... recognovit se tenere in feudum a dom. rege Angliæ et duce prædicto quasdam Boerias, quas habet in parochia de Porteto.

Et fol. 19. r°. ad ann. 1274 :

Tenent a dom. rege Angliæ et duce Aquitaniæ omnia jura, deveria et servitia, quæ ipsi debent pro Boeria Marquæ-malæ, et domo sita desuper dicta Boeria Guillelmi Bos.

Ch. ann. 1299. in Lit. rub. ejusd. Cam. fol. 110. v° :

Item Boeria, quæ est in dicta parrochia, cum terris vineæ et viridarii, et aliis terris eidem Boeriæ spectantibus.

Alia ann. 1308. in Reg. 44. Chartoph. reg. ch. 140 :

Cum forefactura seu Boeria quondam mag. Guillelmi Buneti, una cum domibus, terris, pratis,... damus et concedimus.

Alia ann. 1318. in Reg. 56. ch. 465 :

Quilibet bordalarius seu habitans in borda seu Boeria sua, etc.

Lit. ann. 1361. ex Bibl. reg. :

Quod cum habeat quandam Boeriam sive mansum,... quæ Boeria sive mansus confrontatur, etc.

Nostris Boerie eadem acceptione. Lit. remiss. ann. 1442. ex Reg. 176. ch. 182 :

Icellui Bernard et ung varlet du suppliant alerent au lieu de S. Feliz en une Boerie ou metaerie du lieu de Valieres.

Vide Bovaria.