BOSSELLAGIUM, Glossarium mediae et infimae latinitatis, Du Cange et al.

« Bossellagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 713b. http://ducange.enc.sorbonne.fr/BOSSELLAGIUM

BOSSELLAGIUM, Præstationis species, ex bladis venditis opinor, et Boissello admensis exsolvenda. Charta Willelmi Comitis Pontivi ann. 1145. pro fundatione Abbatiæ Perseniacensis, apud Ægidium Bry in Hist. Perticensi lib. 2. pag. 117 :

Sint quieti et liberi de teloneo, passagio, pontagio, pedagio, costumis, talleis, hallagio, havagio, Bosselagio, reparatione viarum, pontium, etc.

Regestum Castri Lidi in Andibus fol. 31 :

Illuc, ubi steterit in villa de honore Archiepiscopi Gervasii ad vendendum bladium suum, cum Bossellagio suo reddente liberabitur servo per totum honorem Archiepiscopi Gervasii.

Charta anni 1199. ex Archivo Perseniæ :

Sciatis nos concessisse Abbatiæ de Persenia xv. libras Cenomanensis monetæ singulis annis percipiendas in Bossellagio Cenomanensi.

P. Carpentier, 1766.

◊ Boisselage, in Lit. Phil. VI. ann. 1343. ex Reg. 74. Chartoph. reg. ch. 399 :

Il y avoit un office de Boisselage en ladite ville de chierebourc, pour mesurer les blez.

Ubi indicatur officium illius, qui boissello bladum metiebatur.