BOURDONAGIUM, Bordonnagium, An idem sit quod supra Bordonagium vix dubius hæreo : ut ut est, conjecturæ ibi propositæ non favet Charta Guil. de Bourron militis ann. 1266. in Reg. 30. Chartoph. reg. ch. 368 :

Vendidi illustrissimo regi Francorum Ludovico quadraginta solidos Paris. quos in præpositura de Moreto habebam et percipiebam annuatim, ratione Bourdonagii.

Cujus Chartæ mentio fit in Inventar. Chart. reg. ann. 1482. fol. 188 :

Acquisitio quadraginta solidorum Paris. reditus, quos Guillelmus de Bourron accipiebat supra præposituram Moreti, ratione Bordonnagii. De anno 1266.

Ubi videtur esse Pedagium seu vectigal, quod ab asinorum conductoribus exigebatur. Vide Burdones.