2. BRACHILE, Lineum quo femoralia succinguntur. Spicil. Fontanel. MS. pag. 233. Papias vero MS. : Brachile, quod succintorium sive redimiculum dicimus, quod nunc non brachiorum, sed renum sit cingulum. S. Wilhelmi Constitut. Hirsaug. lib. 1. cap. 44 :

Si priusquam sonitum audierit, caligam unam exuerit, vel saltem Brachile femoralibus inseruerit, hoc peragere non desistit ; sicque si forte tres illas Orationes mane faciendas neglexerit, non illi imputandum erit.

Vide Brachiolineum et Bracile Conf. Glossar. med. Græcit. voce Βραϰιλώριον, Append. col. 43.