BRAIARE, Gall. Braire, Vagire, clamare prout infantes solent. Gloss. Græc. Lat. : Κλαυθμὸς παιδίου, vagitus infantis. Hesychius :

Βραυϰανᾶσθαι, ἐπὶ τῶν ϰλαιόντων παιδίων λέγεται, ὡς μίμημα φωνῆς.

Hac voce utitur Philostorgius lib. 11. cap. 6. Regiam Majest. lib. 2. cap. 58. § 1 :

Si ex eadem hæredem habuerit auditum, vel Braiantem inter quatuor parietes.

Hoc est, si ex quo ex matris alvo prodiit, vitæ signa aliqua prodidit. Speculum Saxonicum lib. 1. art. 33 :

Idque mulier cum quatuor viris qui eum plorantem audierunt, et cum duabus mulieribus, quæ ei in partu ministraverunt, poterit comprobare.

Bracton. lib. 4. tr. 1. cap. 34. § 4. lib. 5. tr. 5. cap. 30. § 7 :

Puer qui auditus fuit clamare inter 4. parietes.

Statuta S. Ludovici lib. 1. cap. 11 :

Gentishom tient sa vie tout ce que l'en li donne a porte de monstier en mariage aprés la mort sa feme, tout n'ait-il hoir, pour qu'il en ait eu hoir qui ait crié et Bret, se ainsi est que sa feme li ait esté donnée pucelle.

Quæ totidem habentur Latinis verbis loco supra citato ex Regiam Majestatem. Vide Leges Wisigoth. lib. 4. tit. 2. § 18. Leges Alemann. tit. 92. § 1. Jus Feudale Saxonum cap. 15. § 1. Fletam lib. 6. cap. 55. § 4. Leges Burgor. Scotic. cap. 44. § 4. et Miræum in Diplomat. Belg. pag. 352. MS. :

Deus Dames voi en cel palais listé,

Que par nous on forment Brait et crié,

Et Olivier forment ont regreté.

Vide Grimm. Antiq. jur. German. pag. 75. D. 1.