2. BRANCA, Brancha, seu Branchia, Jus excidendi ramos arborum, quos Branches dicimus, in forestis pro foco seu igne suo. Aresta ann. 1257. in 1. Reg. Parlam. fol. 5 :

Inquesta facta, utrum Philippus de Horrico habeat costumam ad Brancham pro igne suo in foresta de Mercio, etc.

Ibid. f. 10. sub. ann. 1258 :

Matthæus Danebus petit habere in foresta D. Regis de Andelliaco pro 12. den. annui reditus Brancas ad ardendum, quadraturam suæ domus, fulcos ad herbergagium, pasnagium suis porcis liberum, et quietum, etc.

Aresta ann. 1271. ibid. f. 187. verso :

In saisina habendi usagium suum subscriptum, videlicet percipiendi brueriam, fulgeriam, et folium quod cedidit de arboribus, pasnagium ad 3. denarios pro porco, pasturam ad animalia sua in vallibus, secandi herbam a festo S. Joannis usque ad Assumptionem B. Mariæ virginis in defensis etiam forestæ,... percipiendi etiam Branchas siccas cum crocco ligneo, sine ferro, etc.

Regestum Philippi Aug. Herouvallianum f. 69 :

Habent in foresta Andeliaci mortuum nemus et Branchias tam in alto quantum potest attingere, de quadriga.

Fol. 156 :

Capiebat in foresta prædicta extra defensum et landas Branchias et mortuum boscum ad ardendum.

Charta Philippi Regis Franc. apud Marten. Collect. Ampliss. tom. 1. col. 1009. C. :

Ad ædificandum de vivo bosco, ad comburendum de mortuo, vel de residuis sive Branchiis, excepta silva.

Charta Americi de Thoarcio pro Majori Monasterio apud Stephanotium Antiquit. Pictav. MSS. tom. 4. pag. 764 :

Concessi dilectis in Christo Monachis... calfagium in foresta nostra de Rocha in tala et Branchia ad usum domus suæ.

Sententia Compromissoria anni 1339. ex Schedis D. de Mazaugues :

Asserebat jus habere in perceptione frondium, ramorum seu Brancarum, pinuum, etc.

Vide Branchia 1.