BRASSERIUS, Agricola, qui brachiis terram laborat, vel qui labore victum comparat, Brassier, apud Menard. tom. 4. Hist. Nem. cujus opus Brasseria appellatur. Charta ann. 1232. in Chartul. Raym. VII. comit. Tolos. pag. 62 :

Vos (comes Tolos.) et successores vestri habeatis singulis annis in messibus quarteriam unam frumenti, et alteram civatæ pro alberga et bladada, et in unoquoque bove quarteriam unam bladi, medium scilicet frumenti et medium civatæ, et in Brasserio unam quarteriam bladi, medium scilicet frumenti et medium civatæ.

Aliæ ann. 1310. in Reg. 47. Chartoph. reg. ch. 114 :

Item jornalia Brasseriorum (æstimata valere) decem octo solidos, octo den. Turon.

Pactum inter dom. S. Elzearis et homines de Podio Mich. ann. 1316 :

Convenerunt quod quælibet persona, quæ laboraverit cum uno aratro, teneatur plantare singulis annis xx. arbores, et quæ laboraverit cum dimidio aratro (hoc est, ni fallor, cum uno tantum bove aut equo) x. arbores, et quilibet Brasserius v. arbores.

Stat. ann. 1329. inter Probat. tom. 2. Hist. Nem. pag. 65. col. 2 :

Item omnis Brasserius, qui se ad diem vel ejus operas locat pro aliquo opere Brasseriæ, non accipiat nec se locet per diem nisi xij. den. Turon.

Aliud ann. 1352. ibid. pag. 151. col. 1 :

Item quod nullus Brasserius seu Brasseria sit ausus vel ausa, etc.

Vide supra Braczalis. Conf. ap. Raynouard. Gloss. Rom. vol. 1. pag. 252. vocem Brassier radice Bratz.