BREPHOTROPHIUM, Græc. Βρεφοτρόφιον, Ædes in qua infantes, recentesque partus expositi, autegentibus parentibus nati alebantur, in leg. 16. et 18. Cod. de Sacros. Eccl. (1, 2.) Vita MS. S. Magnebodi Episcopi Andegavensis cap. 5 :

Xenodochia ac Brephotrophia, diversaque mansionum habitacula ædificare procuravit.

Ambrosius Camaldul. Epist. ad Eugenium PP. IV. apud Marten. tom. 3. Ampliss. Collect. col. 15 :

Locus intra Florentinæ urbis mænia, Brephotrophion Græci appellant, ubi expositi incertis parentibus educantur infantes.

Vide Capitula Caroli M. lib. 2. cap. 29. ex Julian. Novell. 7, 1.