« »
 
[]« Brigancii » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 750b. http://ducange.enc.sorbonne.fr/BRIGANCII
BRIGANCII, Brigantini, vulgo Scriptoribus nostris Brigans. Gloss. Lat. Gall. : Veles, Brigant, c'est une maniere de gens d'armes courant et apert, à pié. Albertus Argentin. in Chron. ann. 1351 :
Cum 4. millibus peditum armatorum, duobus millibus Brigantum, et ducentis equitibus armatis, etc.
Ubi perperam editum bragantum. Joan. Thwroczius in Ludov. Hung. Rege cap. 20 :
Oppidum Sumpniam vocatum munitum, in quo multi erant Brigancii pedites, expugnavit.
Et cap. 37 :
Briganciis et Balestrariis Anglicis custodiam castri muniendo reservavit.
Ex peditum genere fuisse docent præterea non uno loco Froissartes 1. vol. cap. 128. 148. 160. etc. 4. vol. cap. 25. Joannes Villaneus lib. 10. cap. 173. et Monstrelletus 1. vol. cap. 195. 224. 2. vol. pag. 64. in Computo Barthol. du Drach Thesaurarii Guerrarum ann. 1350 :
Pour Guill. Colet Archer à cheval, 3. autres Archers à cheval, et 4. Brigans à pied.
Vide Nostradamum in Hist. Provinc. pag. 404. 405.
◊ Postmodum prædatores ita appellati nostris, ut in Consuetud. Andegav. art. 44. et Castellinovi in Biturigib. tit. 2. art. 20. quorum nomenclaturam a Brigantibus Britanniæ populis, vel a Bagaudis, vel denique a nescio quo Brigando, vel Burgando, de quo Canon, de viro, 14. q. frustra accersit Ludovicus d'Orleans ad 2. Annal. Taciti, et ex eo Innocent. Cironus in Paratit. ad Decret. lib. 5. Chronicon Flandr. cap. 45 :
Un Chevalier qui fut Chevetaine des Bruyers de France, et qu'on appelloit Burgant.
Ubi forte leg. Brigans. Certe malim a briga, Brigandos dictos, quod ejusmodi prædatores sibi invicem confœderati vias obsiderent, et quosvis transeuntium deprædarentur, rixandoque impeterent, postea in justorum militum numerum accensiti. Italis Briganti, sunt viri industrii, cujusmodi erant latrunculi isti, quorum cohors Brigata dicebatur, unde nostris Brigade, eadem notione, etc. Hos semivestitos, et cum brevibus sagittis pugnasse innuit Tho. Walsinghamus in Henrico V. pag. 388 :
Reductus est ergo, coramque Consilio demonstratus, non indumentis religiositatis redimitus, sed Brigantinorum more semivestitus, gestans sagittas breves, qualiter utuntur equites illarum partium, qui Malandrini dicuntur.
Neque dubium est, quin ab ejusmodi Brigandis, illa armorum species, quam Brigandinam appellabant, nomen duxerit. Catholicon Armoricum : Brigandinou, Gall. Brigandine, Lat. hæc [] Squamma. Inde squammatus, Orné de Brigandine. Ita etiam appellatur in Consuetud. Baionensi tit. 6. art. 1. Hinc Brigandiniers dicti milites qui Brigandinas deferebant, apud Froissartem 4. vol. cap. 2. et Monstrelletum lib. 2. pag. 41. Octavianus de S. Gelais in Viridario honoris :
Ouvriers parfaits de forger Brigandines.
Infra :
Avanturiers, et outrageus soubdars,
Tant là qu'ailleurs, pour estre brigans dignes
Fournis d'arnois, et riches Brigandines.
Alibi :
Beaux gorgerins, dorées Brigandines.
Vide Steph. Paschasium in Disquisitionibus Francicis lib. 8. cap. 43. et
© École des chartes.