1. BROTELLUS, et Bretellus. Sic insulæ in Rhodano vocantur, forte a voce Breuillet vel Broillot, quod ejusmodi insulæ dumosæ admodum esse solent ; Lugdunensibus etiamnum, les Broteaux, vel les Breteaux du Rhosne. Charta Ecclesiæ Lugdun. ann. 1298 :

Occasione cujusdam inhibitionis quam D. Archiepiscopus dicebatur fecisse de non solvendo censu cujusdam Bretelli de Rhodano prope pontem Lugduni.... pronuntiavit quod pignora capta ratione inhibitionis factæ per D. Archiepisc. de censu Brotelli Rodani domino Bellijoci non solvendo seu reddendo a tenementario dicti Brotelli restituantur.

Vide

2. BROTELLUS, diminut. a Brossa. Vide supra in hac voce. Inquisit. ann. 1480. in Bressia et Bugeio ex schedis D. Aubret :

Illi de Molone in illis Brotellis.... bochiaverunt, tanquam in eorum Brotellis.

Occurrit ibi pluries, ut in Arest. senat. Chamber. ann. 1492 :

In dictis Brotellis sine contradictione poterunt bocheare et de nemoribus capere.... Illi de communitate bochiaverunt, et nemus in ipsis Brotellis existens scinderunt.

Hinc insulæ Rhodani, ut jam observatum est supra Broteaux a Lugdunensibus nuncupatæ potius videntur, quam a Broust, licet communia sint pascua ; quod vult D. Falconet. Reg. actor. capit. eccl. Lugdun. ad ann. 1342. fol. 79. r° : col. 2. ex Cam. Comput. Paris :

Hoc salvo et excepto, quod idem Lancelotus non possit per se vel per alium in dictis terra et Brotello facere aliquod arrivagium.

Vide supra Brocellum.