BRUGARIA, Brugeria, Bruguera, Bruguerium, Voces unius ejusdemque notionis, Ericetum, ager sterilis, vepribus et dumetis horridus, idem quod Bruarium, Gall. Bruïere. Glossar. Provinc. Lat. ex Cod. reg. 7657 : Bruc, Prov. scopa, stipa, stipula. Brucar, Prov. cespitare. Bruguiera, Prov. scopetum. Charta ann. 4°. Lothar. reg. ex Chartul. Lemov. in Cod. reg. 9612. T :

Comparationem facio de illas res,.. et illa medietate de illo allodo, de illo fisco, de illa Brugaria.

Placit. ann. 891. tom. 6. Gall. Christ. inter Instr. col. 170 :

Necnon et villam Caderillam ab integrum, et in manso commendato, seu et in Brugarias, necnon et felgarias.

Charta ann. 1038 :

Donamus.... unum deversum de Brugeria.

Alia ann. 1000. in Append. ad Marcam Hispan. col. 956 :

Et in Berregar casa cum curte,... cum ipso boscho, et cum ipso Bruguerio.

Rursum alia ann. 1045. ex Hist. Ms. Montis-maj. :

Et exit via publica Forojuhensem usque in Bruguera.

Ch. ann. 1321. ex Tabul. Flamar :

Nec in nemoribus seu Brugeriis tenementi prædicti aliquis aliquid scindere seu destruere, nec animalia in dictis nemoribus seu Brugeriis, causa dampnum dandi ponere præsumat.

Alia ann. 1343. in Reg. 68. Chartoph. reg. ch. 70 :

Item dixit et asseruit dictus nobilis dom. Guillelmus... habere in dicta terra de Maravalle.... nemora, stangna, ortos, viridaria, arbores, silvas, Brugerias, etc. Nemora, landæ, Brugeriæ, aquæ, etc.

in Ch. ann. 1405. ex Reg. feud. comitat. Pictav. in Cam. Comput. Paris. fol. 130. r°. Ch. comit. Marchiæ ann. 1406 :

Juxta dictum murum antiquum ex una parte, et quandam Brugeriam eidem quantitati nemoris contiguam ex alia.

Vide Origin. Gall. Menag. v. Bruyere.