BUFFONES, Scurræ, Gallis Boufons. Breviloq. :

Goliardi, Buffones, Joculatores.

Synodus Saltzburg. ann. 1310. cap. 3 :

Clerici... qui se joculatores, seu goliardos faciunt, aut Buffones, etc.

Vide Goliardus. Jo. Villaneus lib. 7. cap. 88 :

Onde di Lombardia, e di tutta Italia vi trahavano Buffoni, e bigherai, et huomini di corte.

Salmasius ad Tertullianum de Pallio :

Scurras, mimarios, et scenicos, placentariosque Buffones hodie vocamus. Atque ita veteribus vocabantur, quod buccas inflarent in mimo, alapis accipiendis, ut validius sonarent.

Adamantius Martyrius : Bufo, φυσίγνατος, etc. Malim a Buffa, quod mimi ac scurræ invicem sibi alapas ac buffas infligentes, risum spectantibus moveant. Vide Octavium Ferrarium in Origin. linguæ Ital. in Buffone.