![[]](http://media.enc.sorbonne.fr/ducange/jpg/B/782c.jpg)
« Burgaria » (par C. , 1678), dans , et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 782c. http://ducange.enc.sorbonne.fr/BURGARIABURGARIA, Burglaria, Violenta in domum vel privatam, vel sacram, ut Ecclesiam, vel
etiam in tentorium nocturna irruptio, cum intentione interficiendi et furandi. Ita
Cowellus lib. 4. Instit. cap. 18. § 22. et Rastallus verbo Burglarie. W. Thorn. in
Chron. :
Captus fuit infra civitatem istam pro Burgaria, granario hospitalis S. Laurentii Cant. et bladis suis inde furatis et asportatis.... et suspensus fuit.
Burgator, Burglator, Fur nocturnus. Officium Coronatoris infra virgam Regis, cap.
de Burgatoribus domorum :
Omnes Burgatores domorum, vel fractores Ecclesiarum, vel murorum, vel portarum civitatis Regis, vel burgorum, intrantes malitiose, et felonice, condemnentur morti.Fleta lib. 1. cap. 16. § 6 :
Tempus discernit prædonem a fure et a Burgatore, furemque diurnum a nocturno.Similia habet Joannes Britto cap. 10. cui Burgessours dicuntur. Adde Fletam, lib. 1. cap. 20. § 3. lib. 2. cap. 52. § 9. Bourglatores habet Bracton. non semel lib. 3. tract. de Corona cap. 1. § 1. 3. Spelmannus dictos censet Burgatores, quod dum alii per campos latrocinantur eminus, hi burgos pertinacius effringunt, et deprædantur. Vide Burgulator.
