« »
 
BURSA 1, BURSA 2, BURSA 3, BURSA 4, BURSA 5, BURSA 6, BURSA 7, BURSA 8, BURSA 9, BURSA 10.
[]« 1 bursa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 789b. http://ducange.enc.sorbonne.fr/BURSA01
1. BURSA, Crumena, Gall. Bourse, Ital. Borsa, ex Græco Βύρσα, corium, quod ex corio confecta sit. Jo. de Janua :
Bursa, Marsupium, dicitur a Bursa, quod est corium bovis, quia de corio fiat.
Hinc Bursella, parva Bursa. Bursare, Bursas facere, vel in Bursam reponere, Imbursare. Jo. de Garlandia in Synonymis :
Marsupium, Bursa, forulus, loculusque, crumena.
◊ S. Audoenus lib. 2. Vitæ S. Eligii cap. 12 :
Habebat quoque zonas ex auro comptas, nec non et Bursas eleganter gemmatas.
Ordericus Vitalis, lib. 9 :
Rogerius cognomento Bursa, id est, Crumena.
Guill. de Podio Laurentii cap. 21 :
Quo dicto reposuit litteras in Bursa diligenter.
Christianus Archiep. Moguntin. in Chr. :
Dispersi sunt lapides sanctuarii, non quidem in capita platearum, sed in Bursas furantium.
Capitulum gener. S. Victoris Massil. ann. 1506 :
Nec gibasserios (deferant) aut Bursas apparentes supra [] vestem.
Alanus de Insulis lib. 7. Anticlaudiani cap. 7 :
Nec Bursam satiat nummis, etc.
◊ Utuntur præterea Petrus Blesensis Epist. 17. 74. Ebrardus Bethun. lib. contra Valdenses cap. 20. Thwroczius, Auctor Reinard. Vulp. libr. 4. vers. 224. etc.
Bursa Papalis. Cencius Camerarius de inauguratione Celestini III. PP :
Cingitur ab eodem Priore (Basilicæ S. Laurentii) zona rubea de serico, in qua dependet Bursa purpurea, in qua sunt duodecim sigilla pretiosorum lapidum, et muscus,
Mox :
In zona notatur continentia castitatis, in Bursa gazophylacium, quo pauperes Christi nutriantur et viduæ : in duodecim sigillis, duodecim Apostolorum potestas designatur : muscus includitur ad percipiendum odorem, ut ait Apostolus ; Christi bonus odor sumus Deo.
P. Carpentier, 1766.
Bursa Cornuta Præmonstratensibus interdicitur, in Stat. eorumdem MSS. dist. 4. cap. 8 :
Cutellis cum virolis argenteis, vel acutis, vaginis de corio bullito, Bursi cornutis... non utemur.
Ornatus pars non minima erat bursa, quam interdum tintinnabulis argenteis decorabant. Lit. remiss. ann. 1389, in Reg. 138. Chartoph. reg. :
Une petite houpelande doublé de sarge, le petit pourpoint, la Bourse qui y pendoit, qui est garnie de sonnetes d'argent.
Testam. ann. 1448. in Chartul. 21. Corb. fol. 277. v°. :
Item je donne à Agnès femme Pierre Pouchin une bourse de velours vermeil et ung bourselot cloqueté d'argent. Bourse pipelotée,
varie et exquisite ornata, apud Guignevil. in Peregr. hum. gen. MS. Boursieres Sarrasinoises, in Lib. 1. ordinat. super artif. Paris. ex Cam. Comput. fol. 168. v°.
© École des chartes.
[]« 2 bursa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 789c. http://ducange.enc.sorbonne.fr/BURSA02
2. BURSA, Arca, ταμιεῖον, Gazophylacium, sed proprie ad certos usus. Compotus Baillivorum Franciæ anno 1285 :
Expensæ : Pro Bursis Scholarum Regis, qui fuerant de Curia,... pro Bursis baptizatorum.... pro Bursis Beghinarum.
In his namque Bursis, seu Arcis, reponebantur, quæ ad Scholasticorum, verbi gratia, seu Baptizatorum, etc. alimoniam spectabant, et quæ in eum usum a viris piis erant legata. Concil. Hisp. tom. 4. pag. 188. col. 2 :
Quin et Bursa sive arcam communem, etc.
In Obituario Ecclesiæ Morinensis MS. ex Decreto Capituli generalis ejusdem Ecclesiæ pag. 2. memorantur Bursæ celarii, cotidiana, minutorum brevium, luqueti, fabricæ, novarum acquestarum, obituum ; quæ videntur esse totidem gazophylacia ad diversos usus destinata : v. g. Bursa celarii erat illa, quam servabat Cellarius, et unde depromebat ea quæ ad victum erant necessaria ; Cotidiana, ex qua minutiores et quotidianæ necessitates exsolvebantur, etc. Sed an vera sit nostra conjectura judicet lector ex ipsis locis :
In plenis obitibus quos Bursæ celarii, minutorum brevium, cotidianæ, luqueti, fabricæ ac novarum acquestarum, solvunt, Cononici et magni Capellani lucrantur quilibet 2. sol. etc.
Et infra :
Item in omnibus obitibus tam Bursæ obituum, quam fabricæ, cotidianæ, celarii, minutorum brevium, luqueti ac novarum acquestarum, sive a remanet, sive plenis, sive semis, fabrica percipit in quolibet 2. sol. 6. den.
Per obitum plenum intelligimus solemniorem, obitum semis, minus solemnem, per A remanet alium, forte minimum. Vide Savin. Histor. Jur. Roman. med. tempor. part. 2. § 135. []
Bursarii dicti, quibus ex ejusmodi Bursis stipendia præstantur : quæ vox etiamnum obtinet in Academiarum publicarum Scholasticis, quibus ob rei domesticæ penuriam certa quædam stipendia exsolvuntur ex arca ad id destinata, ad peragendos studiorum cursus. Vide Nomasticon Cisterciense pag. 645.
P. Carpentier, 1766.
◊ Vulgo Boursiers, qui idcirco demeurer en bourse dicuntur, in Lit. remiss. ann. 1399. ex Reg. 154. Chartoph. reg. ch. 644 :
Lambert Oudinet estudiant en l'estude et l'université d'Orléans, et pour lors demourant en l'ostel de maistre Jehan de la Porte avecques autres escoliers, qui y demouroient en Bourse.
© École des chartes.
[]« 3 bursa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA03
3. BURSA, Conventiculum, illicitus cœtus forte sic dictus ex arca communi ad illos conventus fovendos destinata. Statuta Radulphi Episcopi Trecor. ann. 1439. apud Marten. Anecdot. tom. 4. col. 1149 :
Qui conventicula et Bursam, vel communem societatem, seu collegium illicitum fecerint, etc.
© École des chartes.
[]« 4 bursa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA04
4. BURSA, f. Saccus instar bursæ lana, tomento aliave re simili plenus, quem taurorum cornibus illigabant, ne dum agitantur, ludentes possent lædere. Concil. Hisp. tom. 4. pag. 428 :
Nullo festo die fiant torneamenta vel agitationes taurorum... habentes curam ludorum qui aliis plus habent periculi taurorum cornua caute ligando vel Bursam illis imponendo.
© École des chartes.
[]« 5 bursa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA05
5. BURSA, Corporalis theca, nostris Bourse. Annal. Mediol. ad ann. 1389. apud Murator. tom. 16. Script. Ital. col. 810 :
Bursa una dicti drappi pro corporalibus.
© École des chartes.
[]« 6 bursa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA06
6. BURSA, Sacculus in organis. Comput. MS. fabr. S. Petri Insul. ann. 1473 :
Item,... pro reparando magna organa, in eis scilicet faciendo Bursas et patellos.
© École des chartes.
[]« 7 bursa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA07
7. BURSA, Fiscus, ærarium regium. Consil. Petri de Font. cap. 32. art. 35. pag. 147 :
Cil qui dist que li testamens, qui n'est pas à droit fais, et ne vainki pas le plait, doit perdre che k'il a du testament, et le Bourse l'empereour le doit avoir.
© École des chartes.
[]« 8 bursa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA08
8. BURSA, Distributio, quæ fit ex arca communi. Lit. ann. 1372. tom. 5. Ordinat. reg. Franc. pag. 580 :
Quia dictus magister Petrus de numero aliorum notariorum nostrorum vadia et pallia ac Bursas percipientium, non existit, etc.
Stat. ann. 1389. ibid. tom. 7. pag. 274. art. 7 :
Si non tradiderit cedulam hujusmodi, distributione sua illius mensis carebit, prout fit in distributione Bursarum. Etre d'une bourse ensamble,
Sumptus cum altero participare. Lit. remiss. ann. 1389. in Reg. 136. Chartoph. reg. ch. 57 :
Ernoul de la Barre et Eulart de Pouques estoient compaignons et d'une Bourse ensemble, ou pays d'Escoce.
© École des chartes.
[]« 9 bursa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790a. http://ducange.enc.sorbonne.fr/BURSA09
P. Carpentier, 1766.
9. BURSA, Commodum, quod præter præbendam canonicis obvenit. Stat. capituli Gandersheim. apud Leuckfeld. in Antiq. Gandersh. pag. 447 :
Si aliquis absentium canonicorum de hac vita migraverit, præbenda integra (exceptis consolationibus et Bursa) anno integro post mortem illius dabitur eidem.
Infra :
Omnes obventiones et proventus, tam consolationum quam Bursarum, etc.
Est arca ad communem usum canonicorum. Vide supra num. 2. et Chart. ann. 1296. ap. Guden. Codic. Diplom. vol. 3. pag. 881. Eodem sensu Bursaria est in chart. ann. 1294. ibid. pag. 1180.
L. Henschel, 1840–1850.
◊ Vide Forum et Mercatura Bursæ.
Revocationem per Bursam, vocant Jura et Consuetudines Normanniæ cap. 118. jus, quod proximiori consanguineo [] competit, tenementum seu feodum a consanguineo, extraneo, venditum, pretio convento numerato, intra annum a venditione, sibi revocare et asserere. Practicis nostris Clameur de bourse. Vide Forum bursæ.
les Bénédictins de St. Maur, 1733–1736.
Revocare et recuperare ratione Bursæ, Eadem notione in Chartulario S. Vandregesili tom. 1. pag. 838.
P. Carpentier, 1766.
◊ Charta ann. 1306. ex Chartul. 21. Corb. fol. 183 :
S'il avenoit que aucuns de no lignage, ou de par nous par Bourse, ou par promeche eust les coses dessusdites par racat ou par Bourse, etc.
Alia ann. 1380. in Reg. 117. Chartoph. reg. ch. 85 :
Comme nostre procureur au baillage de Caux se feust ja pieça clamé ou nom de nous, pour avoir par retrait de marchié de Bourse, et par seignorie la terre du Bec de Mortemer, dit Crespin, etc. Desbourser.
Eo jure uti, in Lit. remiss. ann. 1400. ex Reg. 155. ch. 254 :
Fut sur ce passé une lettre, moyennant ce que ou cas que laditte vendue seroit Desboursée par lingnage, etc.
Bursarius, Officium Monasticum, penes quem est Bursa, seu pecunia Monasterii. Monast. Anglic. tom. 1. pag. 184 :
John Tortoun quintus Bursarius officiatus.
Vide Novam Gall. Christ. tom. 3. col. 785. E. et col. 790. B.]
P. Carpentier, 1766.
Bursarius, Officium classicum, nostris etiam Boursier, idem qui nunc Ecrivain, ut opinor. Tract. pacis inter Carol. VIII. reg. Franc. et Henr. VII. reg. Angl. ann. 1497. inter Observat. ad Hist. Car. VIII. pag. 741. art. 16 :
Ad quæ implenda et integre observanda dictus capitaneus, magister, submagister, Bursarii, socii et alii præeminentiam in navi habentes se obligabunt, etc.
Non semel ibidem occurrit. Lit. remiss. ann. 1457. in Reg. 189. Chartoph. reg. ch. 167 :
Le suppliant estant contre-maistre et Boursier pour Jehan Dourdoigne de la Crenelle de Touque,.... print ung pescheur d'Engleterre, etc.
P. Carpentier, 1766.
Bursarius, Bursarum opifex. Inventar. Chartar. reg. ann. 1482. tol. 93 :
Littera acquisitionis magisterii tanneriorum,... Bursariorum urbis Parisiensis juriumque dicti magisterii anno quolibet debitorum. De anno 1405.
P. Carpentier, 1766.
Burserius, Penes quem est bursa, Gall. Boursier, nunc Trésorier. Consuet. Mss. monast. S. Crucis Burdegal. ante ann. 1305 :
Quælibet confratria habet unum comitem, unum Burserium et unam mandam.
Stat. tonsor. Burdegal. ann. 1483. in Reg. 207. Chartoph. reg. ch. 305 :
Lesquelz tondeurs s'assembleront en l'église de Sainte-Coulombe et esliront leur compte et leur Boursier et autres officiers (de leur confrairie) pour l'année advenir.
les Bénédictins de St. Maur, 1733–1736.
Bursaria, Officina seu conclave Bursarii, ubi creditam servat pecuniam, recipit et solvit, apud Kennetum Antiquit. Ambrosden. pag. 288. et Martenium Anecdot. tom. 1. col. 1348.
P. Carpentier, 1766.
Bursaria, Locus, ubi asservantur Chartæ. Inventar. Chartar. Monast. fol. ult :
Multa alia debentur nobis.... in denariis et rebus aliis pertinentibus ;.... de quibus procurator penes se scripta debet habere, vel in Bursaria reponuntur.
P. Carpentier, 1766.
Bursaria, Officium apud moniales sumptuarium. Regula soror. Fontis-Ebraldi cap. 31 :
Bursaria recipiat a depositaria certam pecuniæ summam, quatenus opus est pro singulis impensis faciendis in monasterio, tam pro sororibus quam fratribus.
Charta ann. 1338. inter [] Instr. tom. 6. Gall. Christ. col. 461 :
Priorissa, subpriorissa, et Bursariæ omni sexta feria sint in pane et aqua, donec compleverint quod mandatur.
les Bénédictins de St. Maur, 1733–1736.
Bursellula, Parva bursa, in Vita B. Coletæ cap. 6. num. 37 :
Sumens propria manu quandam Bursellulam.
P. Carpentier, 1766.
◊ Nostris Bourselet, Bourselot et Bourset. Lit. remiss. ann. 1391. in Reg. 141. Chartoph. reg. ch. 42 :
Un petit Bourselet de rouge cuir.
Aliæ ann. 1409. in Reg. 163. ch. 301 :
En laquelle tasse avoit ou Bourset de devant xiij. solz, iiij. deniers Par. en monnoie, et en l'autre Bourset prés d'illec un Parisis. Une bourse ou Bourselot,
in aliis ann. 1449. ex Reg. 176. ch. 701.
les Bénédictins de St. Maur, 1733–1736.
Bursemagister, An non idem qui Bursarius, quem penes est bursa. Rymer. tom. 8. pag. 727. col. 1 :
Johannes Paslew Magister, Rogerus Orger Mercator, et Ricardus Bek Bursemagister... Mandans etiam firmiter et injungens Bursemagistro prænotato, et cæteris, ut præmittitur, incarceratis esculenta et poculenta custubus suis propriis ministraret.
les Bénédictins de St. Maur, 1733–1736.
Burserius. Qui facit bursas. Charta Ludovici Junioris ann. 1160. apud D. Brussel de Usu feud. tom. 1. pag. 536 :
Et concessimus ex nunc in posterum Theci uxori Yvoni la-Choe... magisterium canatorum.... et Burseriorum in villa nostra Parisiensi.
P. Carpentier, 1766.
Bursare, Nummos demittere in bursam seu crumenam. Glossar. Gall. Lat. ex Cod. reg. 7684 : Bursare, Embourser. Gemm. Gemm. :
Bursare est bursas facere. Imbursare, in bursam ponere.
© École des chartes.
[]« 10 bursa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 790c. http://ducange.enc.sorbonne.fr/BURSA10
10. BURSA, Cloaca, in Glossis Isid. et in vet. Glossario San-German. num. 501. Supra habetur Burca.
© École des chartes.