BUSCARLA, Butsecarla. Domesdei tit. Wiltsh. Wilton. :

Quando Rex ibat in expeditionem, vel terra vel mari, habebat de hoc manerio aut 20. sol. ad pascendos suos Buzecarl, aut unum hominem ducebat secum pro honore 5. hidarum.

Annales Waverleienses :

Edwinus Consul venit cum exercitu per terram, et fugavit eum, et Bucecarli eum refutarunt. Ipse vero iniit Scotiam cum 12. puppibus.

Radulfus de Diceto ann. 1051 :

Allectis sibi in auxilium Butsecarlis, qui portus nauticos custodire debebant.

Roger Hoved. ann. 1052. pag. 442 :

Omnes Buthsecarlas de Hastinga, et ubique circa ripas maris, aliosque nonnullos in auxilium sui allexit.

Mox :

Et Buthsecarlas omnes, quos obvios invenerant sibi in adjutorium legentes.

Ann. 1064 :

Danicos Huscarlas, etc.

Ann. 1066. pag. 448 :

Tostius, de Butsecarlis quosdam volentes, et quosdam nolentes secum assumens recessit.

Idem pag. 449 :

Alderdus Episcopus... et iidem Comites cum civibus Londoniensibus et Buthsecarlis Clitonem Edgarum... in Regem levare voluere.

Ann. 1071. pag. 454 :

Rex cum Buthsecarlis in Orientali plaga insulæ omnem illis exitum obstruxit.

Ann. 1101. pag. 468 :

Robertus Comes Norman... naves coadunavit : quibus Rex Henricus cognitis, Buzsecarlis præcepit mare custodire.

Infra :

Quosdam de Regis Buzsecarlis adeo rerum diversarum promissionibus fregit, ut fidelitate, quam Regi debebant, postposita, ad se confugerent, et sibi ad Angliam duces existerent.

Bromptonus hanc historiam enarrans pag. 998 :

Præcepit Marinariis portuum mare cura diligentissima custodire.

His porro similia habent Simeon Dunelmensis pag. 186. 193. 226. et Florentius Wigorniensis pag. 628. 633. 634.