BYRSAGIUM, Glossarium mediae et infimae latinitatis, Du Cange et al.

« Byrsagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 801a. http://ducange.enc.sorbonne.fr/BYRSAGIUM

BYRSAGIUM, Hungaris Birsag, Mulcta judicialis, compositio publica, quæ fisco infertur. Decretum Sigismundi Regis Hungariæ ann. 1435 :

De Byrsagiis autem Comitum parochialium ad portionem judiciariam pertinentibus, Comites Parochiales et judices, æquam inter se divisionem facere tenentur.

Infra :

Partes tamen litigantes, quandocunque voluerint, absque requisitione Judicis, et onere solutionis Byrsagiorum, liberam concordandi habeant facultatem.

Occurrit ibi non semel. Vetus Constitutio de officio Comitis Palatini cap. 9. apud Goldastum tom. 3. Constitut. Imper. pag. 403 :

Cæterum, si qui jure coram Comite Palatino in Byrsagiis, aut aliorum judiciorum oneribus convincantur, etc, A Bursa

videtur manare, quod in Bursam publicam, seu in fiscum ejusmodi mulcta inferatur : unde adagium :

Bursa oculos claudit, dicite Byrzagium.