CABELLA 1, Glossarium mediae et infimae latinitatis, Du Cange et al.

« 1 cabella » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 007c. http://ducange.enc.sorbonne.fr/CABELLA1

1. CABELLA, pro Gabella, Gall. Gabelle, Olim tributum omne, nunc illud solum, quod sali imponitur. Charta Caroli Regis Franc. Siciliæ et Jerusalem, data Molinis 24. Novemb. ann. 1497 :

Cum eorum castris, fortaliciis... Cabellis, dohanis earumque juribus.

Computum anni 1333. Hist. Dalphin. pag. 285 :

Pro præconizandis Cabellis Domini pro quinque diebus, et portandis cartulariis de Bellovidere apud Gratianopolim, ii. flor. vi. den. gros.

Ogerius Panis lib. 4. Annal. Genuens. ad ann. 1214 :

Consules juraverunt quod dicti introitus de cetero in perpetuum non possent vendi, excepta Cabella salis domus Messanæ.

Utitur ille non semel. Vide Gablum.

P. Carpentier, 1766.

◊ Autissiodori, teste D. Le Beuf, eodem nomine appellatur tributum, quod ex vino penditur. Pact. inter Reg. et Genuens. ann. 1396. in Reg. 151. Chartoph. reg. ch. 35 :

Non imponet (Rex) nec imponi faciet, per se vel per alios, aliquam collectam, dacitam, ....... nec etiam aliquam Cabellam seu munus, quocumque nomine censeantur.

P. Carpentier, 1766.

Cabella vini, idem quod alibi Bannum vini dicitur. Vide in Bannum 1. Pact. inter Arnald. de Villanova et homines de Transio ann. 1283. ex Tabul. D. Venciæ :

Item fuit actum quod dictus dominus Arnaudus possit tenere Cabellam vini in castro de Trans per unum mensem tantum.

« 2 cabella » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 007c. http://ducange.enc.sorbonne.fr/CABELLA2

2. CABELLA, pro Caballa, Equa, jumentum, Gall. Cavalle. Tabul. S. Florent. tom. 1. Probat. Hist. brit. col. 438 :

Ob hoc abbas Guillelmus dedit ei unam Cabellam valentem quadraginta solidos.

Vide Caballus.