« »
 
[]« Cacabatus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 010b. http://ducange.enc.sorbonne.fr/CACABATUS
CACABATUS, Denigratus, cacabo fumoso illitus, Chaudronné. Paulinus Nolanus Epist. 12 :
Cum ædificia quæ immaculata adhuc operis tui gratia splendent, obscurata næniis insipientiæ meæ, et ut digno versibus meis utar verbo, Cacabata ridentibus multis.... aspicies.
Pelagius :
Appenderunt in collum meum Cacabatas ollas, et ansas vasorum.
Fortunatus lib. 6. Poem. 10. de Coco regio :
Corde niger, fumo pastus, fuligine tinctus,
  Et cujus facies Cacabus alter adest.
Ibidem :
Cui sua sordentem pinxerunt arma colorem,
  Frixuræ, cucumæ, scafa, patella, tripes.
Althelmus de Laude virg. cap. 43 :
Sed præstante Deo cæcatur corde malignus,
Basia Cacabis dum stultus tradidit atris,
Sic ollis niger, et furva sartagine teter, etc.
[]
◊ Apophtegmata Patrum edita nuper a V. Cl. Jo. Bapt. Cotelerio cap. 4. ubi de dæmone, quem Moyses Monachus expulerat :
Ὁ δὲ ἐξελθὼν ἔλεγεν ἑαυτῷ· ϰαλῶς σοι ἐποίησαν, σποδόδερμε, μέλανε.
Quæ verba postrema sic vertit Palladius in MS. Corbeiensi :
Cinerate et Cacabate
, uti monet idem vir doctissimus. Vide Rosveidum ad Paulinum, et Filesacum lib. 1. Select. pag. 244.
© École des chartes.