« »
 
[]« Cadeletus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 013c. http://ducange.enc.sorbonne.fr/CADELETUS
CADELETUS, Lecti compages lignea, nostris Chalit, cujus fundus vel asseribus vel funibus extensis paratur : neque enim Hispanico Cadalecho, torus frondeus, neque Italico Cataletto, lectica, lectulus, quanquam proxima sint voci Cadeletus, facile aptari posse existimo quæ leguntur inter Testim. de S. Domin. tom. 1. Aug. pag. 636. col. 2 :
Quandoque inveniebatur (Dominicus) in banco dormire, quandoque in terra, et quandoque funibus cathedræ vel Cadeleti.
Et pag. 641. col. 2 :
Nunquam recolit se eum vidisse dormientem in lecto de nocte, licet [] quidam locus appropriaretur ei ad jacendum, ubi erat solummodo coopertorium extensum super Cadeletum unum sine palea, et sine saccone.
Vide ibi notas doctorum Editorum.
© École des chartes.