CAFARDUS, Caffardus, Gall. Caffard, Hypocrita, pietatis simulator. Statuta Andegav. ex Concilio Pentecostes anni 1512. pag. 215 :

Per alios filios satanæ Cafardos nuncupatos, etc.

Menoti Serm. Quadragesim. fol. 147. verso col. 1 :

Sed soli Caffardi eas (indulgentias) prædicaverunt cum infinitis mendaciis, ut populum decipiant, qui sepe sunt parvi diaboli, quando sunt in taberna ; quod non est quæstio nisi de luxuria, de ludo, etc.

Vocis etymon arcessit Menagius ab Arabico Cafara, quo nomine vocatur is, qui suam deserit religionem, ut aliam sequatur. Prima vocis origo est Hebraïcum Caphar, Renuntiare : hinc Capher eidem Menagio sumitur pro eo, qui fidem catholicam ejuravit.