CALCUM, Calcatio frumenti dum mensuratur. Tabular. Abbatiæ Dalonensis in Lemovicibus fol. 17. ann. 1240 :

Dedit... conventui Dalonis unum sextarium avenæ cumulatum cum uno Calco renduales, etc.

Ita fol. 46. 125. 126. 127. 128. Rursum fol. 81 :

Retento nobis uno modio siliginis, et dimidio avenæ censualibus ad mensuram de Pompedors, siligine semel percussa et rasa et avena semel una manu Calcata, sed cumulata.

Eodem fol. :

Retentis tantum sex sextariis siliginis rasis et semel Concussis.

Fol. 82 :

Retentis ibidem 12. denariis de acaptamento, et pleno dominio, et uno sextario siliginis Calcato et raso.

Denique fol. 91 :

Frumenti unam eminam rasam cum una Succussione.