2. CALEFACTORIUM, Locus ubi Monachi calefiunt, Gall. Chauffoir, Poesle, de quo liber Usuum Ord. Cisterciensis cap. 4. 15. 55. 73. Tabularium Vindocinense Ch. 268. ann. 1078 :

Qui, cum corpus epulis refecisset, jussit lectum parari sibi, ut paululum secrete quiesceret : cui mox in Calefactorio parari jussimus.

Chronicon Tudonense lib. 10 :

Duæ domus pauperum, altera æstivalis ad habitandum, altera hiemale Calefactorium ad reficiendum.

Guidonis Disciplina Farfensis, lib. 2. cap. 1 :

Calefactorium xxv. pedes latitudinis, eademque mensura longitudinis.

Marten. tom. 4. Anecdot. col. 1224. ex antiquis Consuetud. Canonicorum Regul. S. Jacobi de Monteforti :

Calefactoria possunt ingredi... ad sotulares ungendos, ad se minuendum, ad calefaciendum.