1. CALIGARIUS, Sutor, Caligarum confector. Gloss. Græc. Lat. ὑποδηματάριος, Calciamentarius, Caligarius. Papias : Caligarius, Artifex, Caligaris vero, clavus. Mox :

Caligarios, a calo, id est, ligno vocant, unde fiunt : sine iis calciamenta fieri non possunt.

Vetus Inscriptio :

C. Attilius C. F. Justus sutor Caligarius sibi et Corneliæ, etc.

Julius Firmicus Math. lib. 3. cap. 12 :

Coriorum confectores seu Caligarii.

Lib. 4. cap. 7 :

Faciet pellarios, coriarios, Caligarios.

Tabular. Eccles. Autisiodor. fol. 80 :

Vinea Joannis, dicti Notarii, Caligarii.

Adde Lamprid. in Alex. Severo. Καλιγάριοι, Græcis Scriptoribus ævi medii, unde Porta Caligariorum Constantinopoli, apud Phranzem lib. 3. cap. 11. et Leunclavium in Pandecte Turico num. 200. Adde Glossar. med. Græcit. col. 550. voce Καλιγάριος et Marin. Pap. Diplomat. pag. 815. col. B.

2. CALIGARIUS, Ugutioni, dicitur Minister ferens ligna : caligare, ligna portare, a calon, lignum : unde calo, qui fert ligna. Vide Calerare.