CALIXTA. Charta Letgardis Comitissæ inter Instrum. tom. 2. novæ Gall. Christ. col. 8 :

Offerimus... eidem Domino Martino patrono nostro... Calixtam novam cum ecclesia in honore S. Gregorii constructa, et in omnibus rebus ad ipsius potestatem aspicientibus, hoc est, cum villa, etc.

Dionysius Sammarthanus conjicit, nomine Calixtæ significari chartam novam, qua jam prius donata confirmantur ; Calixtam ad verbum esse ligamentum, chartam Calixtam seu ligamentum, appellari, quod illis ævis concederetur possessio doni vel cessionis alicujus traditione corrigiæ instrumento alligatæ. Verum Calixta non tam videtur charta donationis, quam res ipsa donata ; deinde parva vel nulla videtur esse Calixtæ et ligamenti necessitudo : fere crediderim Calixtam mendose scriptum esse.