CALQUERIA, Moletrina ubi quernei cortices calcantur, et teruntur, vel officina ubi coria querneo cortice inficiuntur. Statuta Massil. pag. 306 :

Constituimus ut omnes illi qui erunt constituti, tam super ministerio curateriæ quam blancariæ... ne perturbent vel misceant, vel tribulent suas Calquerias, vel torcularia, quando eas, vel ea, curabunt, vel facient curari seu allargari, imo aquam pausatam et claram, quanto plus poterunt inde ejiciant, ne cum aqua prædicta fimus seu lutum in dictis Calqueriis seu torcularibus contentum ad portum possit decurrere.