2. CAMBRERIUS, Officium monasticum a Camerario distinctum, cui pannorum cura præcipue erat ; unde Draperius in quibusdam monasteriis nuncupabatur. Stat. monast. Lirin. ann. 1453 :

Cambrerius, qui tenetur custodire pannos ad ipsum officium pertinentes, prout sunt linteamina, laneæ, matalacia, pulvinaria, coopertoria, bancalia, etc.

Extitit etiam apud Templarios idem officium, ut colligitur ex Instr. ann. 1310. inter Probat. tom. 1. Hist. Nem. pag. 176. col. 1. Chambarier, et jus munus Chambarerie appellatur, in Ch. homag. ann. 1328. inter Probat. ult. Hist. Trenorch. pag. 243 :

La tierce partie des louz, que l'on doit pour raison des vendues et des gagies, que l'on fait à Tournus dedans les termes de la Chambarerie..... Comme un des serjants au Chambarier.

Vide infra Cameraria 4. et Chambrelania.