CAMOCATUS, Camoscatus, ut Camoca Panni serici vel pretiosioris species. Lit. Caroli V. reg. Franc. ann. 1367 :

Item quod nulla ipsarum (mulierum) audeat portare in suis mantellis, vel aliis vestibus aliquas foderaturas pannorum fratorum, vel de Camocato.

Stat. Ast. ubi de Intrat. portar. :

Camocati de saia solvant pro qualibet libra ponderis libras xxiv.

Inventar. S. Capellæ Paris. ann. 1325. in Reg. I. Chartoph. reg. ch. 7 :

Item una casula, una Dalmatica et una tunica de Camoscato nigro, gutato gutis albis pro officio defunctorum.

Charta ann. 1382. ex Tabul. Montis-major. :

Pontius donavit... casulam panni rubei brocati de auro, nuncupato Camochat. Camoisser

vero et Camoisier, Alutam, aliamve pellem more pellium rupicaprarum præparare sonat, ni fallor, in Stat. ann. 1390. tom. 7. Ordinat. reg. Franc. pag. 565. art. 10 :

Que nulz ne puist Camoisser basane. Que nulle basenne ne soit Camoisié,

in aliis Stat. art. 6. ex Lib. rub. fol. mag. domus publ. Abbavil. At Camosé, idem videtur quod Cælatus, sculptus, Gall. Ciselé, in Comput. ann. 1433. tom. 2. Probat. Hist. Brit. col. 1260 :

Une coupe d'argent dorée, hachée et Camosée.

Unde Camoisié, pro Saucius, vulneribus affectus, apud Garin. in Poemate :

A ses herberges li Loherans s'en vint,

Camoisié ot et la bouche et le vis,

De leus en leus li sans vermeus en ist.