CAMOMILLA, Glossarium mediae et infimae latinitatis, Du Cange et al.

« Camomilla » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 055a. http://ducange.enc.sorbonne.fr/CAMOMILLA

CAMOMILLA, Græc. χαμαίμηλον. Lat. Chamæmelum, Gallice Camomille. Herbæ genus unde oleum exprimitur : hinc Oleum Camomillæ, in Hist. Dalphin. tom. 2. pag. 524. col. 2. Pseudomacer lib. 2. cap. 15 :

Anthemidem magis commendat laudibus autor
Asclepius : Chamæmelam, quam nos, vel Camomillam,
Dicimus. Hæc multum redolens est, et brevis herba ;
Herbæ tam similis, quam justo nomine vulgus
Dicit Amariscam, quod fœteat et sit amara,
Ut collata sibi vix discernatur odore.

Quem in locum Cornarius :

Anthemis herba, Chamæmelum, quasi humile malum appellata est : quoniam, ut ait Plinius, odorem mali habet. Camomillæ autem appellatio vulgaris est, ex Græca corrupta.

P. Carpentier, 1766.

◊ Glossar. Lat. Gall. ex Cod. reg. 7692 : Camomilla, Vignoche, une herbe.