CANAPEUM, Umbraculum, a Græco Κωνωπεῖον, Genus retis ad excludendos culices in lecto jacentium obtendi solitum ; unde Anglicum Canapy, non parum deflexo sensu, inquit Skinner, lecti ὑπερπέτασμα, seu Prætentum, umbella, umbraculum, cœlum aut οὐρανίσϰον, imminens principum capitibus in pompis, ipsiusque Christi corpori, cum defertur solemniter, Gall. Dais. Glossar. Provinc. Lat. ex Cod. reg. 7657 : Canapeum, pro cultibus et mistis reticulata cortina. Apud Rymer. tom. 9. pag. 273 :

Etiam unum Canapeum de nigro et rubeo tartaryn depictum cum leonibus et cignis, cum omni apparatu ad portandum in Dominica in Ramis Palmarum supra Corpus Christi.

Nostris Canapé, Bisselium est, vel ut alii exponunt, Scimpodium.