CAPDAGUAYTS, Qui sub vicario urbium politiæ invigilant, vigiliarum præfecti, quasi Chefs du guet. Constit. Mss. Alfonsi II. reg. Aragon. ann. 1333 :

Ordinamus quod subbajuli ponantur et eligantur per bajulos, ...... et quod dicti bajuli, si de dictis subbajulis non posset assequi justitiam, conquerentibus teneantur pro culpis, negligentiis et delictis commissis per ipsos subbajulos ; cum eo casu ipsis bajulis possit mala electio imputari. Et idem intelligimus de Capdaguayts, qui per vicarium Barchinonæ ibidem eligantur et ponantur ; cum non sit intentionis nostræ, quod dicti Capdaguayts alibi constituantur seu etiam ordinentur.

Vide mox Capdellus.