CAPULLA, Glossarium mediae et infimae latinitatis, Du Cange et al.

« Capulla » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 150b. http://ducange.enc.sorbonne.fr/CAPULLA

CAPULLA. Synodus Nemausensis ann. 1284. cap. de Baptismo :

Verum si propriam Capullam propter paupertatem, vel aliam quamcumque causam non habuerit, vel habere nequiverit baptizandus : Capulla etiam alia, cum qua alius baptizatus fuerit, quam Sacerdos præcipue gratis exhibeat, baptizetur.

Similia legere est in Statutis Synodal. Ecclesiæ Cardurcensis apud Martenium tom. 4. Anecdot. col. 686. Diminutivum videtur a capa, quam Baptizatorum vestem fuisse supra docuimus : eadem etiam forte quæ Chrismale appellatur. Posteriorem hanc notionem confirmant Statuta Augerii II. Episc. Conseran. ann. 1280. ubi sic :

Si baptizandus vel propter paupertatem, vel altam quamcumque (causam) Capullam seu Chrismale proprium habere nequiverit, gratis Capulam illi exhibeant, licet quoque alter cum illa fuerit baptizatus.

Vide Chrismale et Cappucium recens Baptizatorum in Caputium.

les Bénédictins de St. Maur, 1733–1736.

Capuella, Eadem notione in mox laudatis Statutis Augerii Conseran. :

Sub pœna suspensionis ab officio prohibemus, ne Capuellæ baptizatorum ponantur in aliis quam in Ecclesiasticis usibus ; videlicet inde faciant supercapellitia vel cordinas, et alia quæ ad cultum divinum et servitium ecclesiasticum pertinere noscuntur.