« »
 
CAPUS 1, CAPUS 2, CAPUS 3, CAPUS 4, CAPUS 5.
[]« 1 capus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 150c. http://ducange.enc.sorbonne.fr/CAPUS1
1. CAPUS, Cappus, Avis prædatoria, seu falco. Gloss. Saxon. Ælfrici : Falco vel Capus, a capiendo, Wealhhafoc, id est, erodius, accipiter peregrinus. Papias : Capus, falco, avis, a capiendo. Alibi : Falco, dictus quod falcatis incurvis unguibus sit, hunc Itali Capud vocant, a capiendo. Ita MS. Edit. habet Caput, sed legendum Capum. Formulæ antiquæ promotionum Episcopal. Ep. 16 :
A quo verbo accipere, aves, quæ alias aves capiunt, accipitres nominantur
. Synodus Ticinensis, sub Leone V. PP. ann. 850. can. 4 :
Non canibus, aut accipitribus, vel Capis, quos vulgus Falcones vocat, per seipsum venationes exerceat.
Theodulfus lib. 4. Carm. 8. de pugna avium pag. 219 :
Quatuor accipitres veniunt hinc, quatuor illinc,
  Quatuor et totidem parte ab utraque Capi.
Primo hi congressu perimunt se hinc inde vicissim,
  Accipitrem accipiter, seu Capus ipse Capum.
Et lib. 6. Carm. 26 :
Colla superba teras, anates ut turba Caporum,
  Anserem ut accipiter, colla superba teras.
Ermold. Nigell. lib. 3. vers. 593 :
Seu glatie stringente solum sub tempore brumæ
  Unguigeris volucres exagitare Capis.
[] Odo Cluniacens. lib. 1. de Vita S. Geraldi cap. 4 :
Scilicet ut molossos ageret, arcista fieret, Cappos et accipitres competenti jactu emittere consuesceret.
Servius ad lib. 10. Æneid. ait,
Campaniam a Tuscis conditam, viso falconis augurio, qui Tusca lingua Capys dicitur, unde est nominata Campania.
◊ In Vita Ludovici Pii ann. 813. fit mentio Gerrici Capis Præpositi, qui scilicet avibus venaticis præerat, ut quidam censent. Alii Præpositos Capis eosdem volunt, qui recentioribus Buticularii dicuntur. Nam Capis et Capula apud Varronem est poculi genus, quo deplere vasa olearia solebant : et licet Capis, Capidis, declinetur, inflexione tamen recepta apud Scriptores infimæ Latinitatis, potuit dici Præpositus Capis, pro Capidibus. Sic apud Avitum Vienn. Epist. 65 :
Utatur paterarum capacitate pro Capis.
Quasi dicat, pro vasculis exiguis, pateris bibat capacioribus. At Stephanus Baluzius monet in Cod. Viennensi Aviti, legi Cuppis pro Capis.
les Bénédictins de St. Maur, 1733–1736.
Solidi de Capo, tom. 3. Concil. Hisp. pag. 284. col. 2. in Donatione Alphonsi VI. pro Monasterio S. Facundi, videntur esse solidi capo seu falcone notati et insigniti :
Homicidium de nocte factum qui negaverit, si accusatus fuerit litiget cum illo qui dixerit, Quia ego vidi ; et si ceciderit pectet centum solidos, et quod ultra expendit in armis, et operariis, et expensis, et sexaginta solidos de Capo.
Vide Caput solidus et Capus 3.
© École des chartes.
[]« 2 capus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 151a. http://ducange.enc.sorbonne.fr/CAPUS2
2. CAPUS, Capo, Cappus, Latinis Gallus castratus, nostris Chapon ; Vide Cabo et Graffii Thesaur. Ling. Franc. vol. 3. col. 355. voce Kappo. ex quo postmodum hac appellatione donati eunuchi et castrati. Luithprandus in Legat. :
Dicimus enim quod Capones sunt, id est eunuchi.
Capitul. Car. Calvi tit. 43. § 31. ap. Carisiac. ann. 877. :
De Cappis et aliis negotiatoribus, videlicet ut Judæi dent decimam, et negotiatores Christiani undecimam.
Ubi Judæi ita videntur appellati ob περιτομὴν, seu circumcisionem. Nam, ut ait S. Ambrosius in Leviticum,
viros circumcisione signatos etiam opprobrio et illusione dignos arbitrabantur
veteres. Vide Marcam lib. 1. Hist. Beneharn. cap. 16. num. 9. et Notas nostras ad librum 4. Niceph. Bryennii.
P. Carpentier, 1766.
◊ Charta sub Phil. I. reg. Franc. ex Tabul. S. Vict. Massil. :
Duas fogazas et quatuor Capos, etc.
les Bénédictins de St. Maur, 1733–1736.
◊ Notum est jus Dominorum a subditis suis vel capones vel eorum valorem accipiendi : de quo jure frequentior in chartis occurrit mentio, quam ut opus sit illud exemplis stabiliri.
les Bénédictins de St. Maur, 1733–1736.
Caponagium dicitur illud jus in Chartulario S. Martini Pontisarensis :
Debetur quarto unius caponis et unus denarius de Caponagio.
© École des chartes.
[]« 3 capus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 151a. http://ducange.enc.sorbonne.fr/CAPUS3
3. CAPUS, pro Caput. Charta ann. 1053. apud Murator. in Antiq. Estens. pag. 202 :
Cum mea portione, quæ est medietatem de una petia de terra ;... quæ uno Capo tenet in via, et alio Capo tenet in Ducaria.
Chart. ann. 849. ap. de Blasio Series Princip. Salernit. Append. n. 2. pag. 10 :
Abentes finis de uno latu et uno Capu bia publica et de alio latu et alio Capu cum terra mea.
Vide Pes. Ubi pro termino, qui in capite prædii vel agri est, sumitur ; qua etiam notione Chep occurrit in Ch. ann. 1313. ex Reg. 52. Chartoph. reg. ch. 155 :
Et se commencet ladite piece de terre d'un des Cheps, etc.
Vide Caput finis in Caput 3. Hinc solidi de Capo, de solidis, qui pro [] capite redimendo solvuntur, facile intelligi possunt.
© École des chartes.
[]« 4 capus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 151b. http://ducange.enc.sorbonne.fr/CAPUS4
4. CAPUS, Clavus, cujus pars præcipua caput est. Chappellu, eadem acceptione, in Lit. remiss. ann. 1379. ex Reg. 115. Chartoph. reg. ch. 239 :
Les supplians prindrent en un batel certains cloz, appellez Chappellus.
Arest. parlam. ann. 1304. in Lib. 1. ordinat. super artif. Paris. ex Cam. Comput. fol. 344. v°. :
Declarantes quod licet dicti selarii sui officii ratione... non possint... mordacia, Capos seu clavos facere aut fabricare, ipsi tamen... poterunt... ea in selis et bastis suis ponere, clavare et rivare.
© École des chartes.
[]« 5 capus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 151b. http://ducange.enc.sorbonne.fr/CAPUS5
5. CAPUS, Charue, in Glossar. Lat. Gall. ex Cod. reg. 521.
© École des chartes.