« »
 
[]« Carcerarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 163a. http://ducange.enc.sorbonne.fr/CARCERARIUS
CARCERARIUS, Carceris custos. Gloss. Lat. Gr. : Carcerarius, φυλαϰτίτης. Gloss. Græc. Lat. φυλαϰίτης. Ugutio : Carcerarius, qui carcerem facit, vel custodit. Carceriere, Italis. Victor Uticens. lib. 3 :
Sed populus ille... in Domino semper fidelis, dato munere Carcerariis, die ac nocte Christi Martyres frequentabat.
Occurrit præterea in Lege Wisigoth. lib. 7. tit. 4. § 3. in Vita S. Potiti Mart. cap. 3. in Act. S. Montani Mart. num. 17. apud Ordericum Vitalem pag. 384. etc. MS :
Magon apele, qui ert ses Chartreniers,
Garde cestui, et soient forment loiez.
Le Roman de Jordain de Blays MS :
Dont les assaillent Serjant et Charterier
En une chartre font Renier tresbuchier.
Philippus Mouskes in Hist. Francor. MS. :
Un jour li enfant mult plorerent,
En cele prison u il erent,
Quer li Carteriers leur gehi,
Que tousjors seroient ensi.
Guillelmus Guiart MS :
Tantost son Chartrenier appele,
Con pot voir emmi les sales,
Trois prisonniers de France pales, etc.
[]
Carcerarii, Ipsimet rei carcere inclusi. Vita S. Mederici cap. 11 :
Audivit Carcerarios reclusos in carcere.
Gregor. Turon. de Vitis Patrum cap. 8 :
Audivi in una nocte in septem civitatibus Carcerariis apparuisse beatum virum, eosque absolvisse ab ergastulo.
Chronicon Flandriæ cap. 66 :
Et encores le detiennent en prison fermée, en faisant Chartrier de leur propre seigneur.
Græcis inferioribus φυλαϰίται. Vide Glossarium mediæ Græcitatis.
Carcerarii, Infirmi, ægroti, lecto detenti, seu clinici, quomodo Chartriers nostri olim dicebant, seu Estre en Chartre. Testamentum cujusdam Sibyllæ civis Remensis ann. 1270 :
Item pauperibus Carcerariis et verecundis parochiæ S. Hilarii Remensis 12. lib. etc. Item pauperibus Carcerariis S. Petri veteris 12. libr. etc.
Vide Carcer 2.
© École des chartes.