CARNAUS, Solidi Beneharnenses seu Morlani ; sic forte appellati quod propter Carnaticum solvebatur. Vide in hac voce. Charta ann. 1328. in Reg. 65. bis Chartoph. reg. ch. 194 :

Invenimus quod idem dom. noster rex habet in dicto loco de Ynossio ex una parte perpetui et annui redditus trecentos solidos Morlanorum, qui in festo assumptionis B. Mariæ, et viginti solidos Morlanorum vocatos Carraus, (sic) et alios viginti solidos Morlanorum vocatos Carnaus, qui in mense Septembri, et septingentos solidos Morlanorum ex alia parte vocatos Carnaus, qui in mense Madii dom. nostro regi per sindicos, consules seu juratos dicti loci.

Vide Morlanus.