« »
 
[]« Carnifex » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 178c. http://ducange.enc.sorbonne.fr/CARNIFEX
CARNIFEX, Lanius qui carnes vendit et facit, vulgo nostris Boucher. Ugutio : Carnifex, homicida, vel macellator, vel Carnifex dicitur, qui facit carnes. Carnificina, macellum. Adalbero Laudunens. Episcop. in Carm. ad Robertum Regem :
Non sunt Carnifices, caupones, necne subulci.
Leges Burgorum Scotic. cap. 70 :
De Carnificibus et carnibus vendendis, etc.
Index MS. redituum Monasterii Corbeiensis :
Carnifices in introitu solvent duos sextarios vini et duos in exitu.
Charta Bolconis Ducis Silesiæ pro civitate Friburg. ann. 1337. apud Ludewig. Reliq. MSS. tom. 6. pag. 42 :
Pistores, sutores, Carnifices, sartores et fabri, et præcipue in Cirla, ubi taberna ab antiquo habita quatuor macellis est exempta.
Utitur etiam Menotus Serm. Quadrag. fol. 102. verso col. 1. Bullarium Fontanell. fol. 115. recto, etc. Decret, lib. 2. tit. 28. cap. 69.
Carnifex, apud Florentium Wigorn. et Hovedenum ann. 1040. recensetur inter majora officia et ministeria Regia :
Rex Hardekunutus Alfricum Eboracensem Archiepiscopum, Godwinum Comitem, Steir Majorem domus, Edvicum Dispensatorem, Thrond suum Carnificem, et alios magnæ dignitatis viros Londinum misit.
Galli Magnum Cocum, le grand Queus, vocarunt.
les Bénédictins de St. Maur, 1733–1736.
Carnificare est carnes facere, scilicet mactare. Vet. Vocabul. Juris utriusque.
les Bénédictins de St. Maur, 1733–1736.
Carnificeria, Carnarium, Laniarium Gall. Boucherie, in Codice MS. redituum Episcopatus Autissiod. ex Chartophylacio Episcopi ejusdem urbis, in libro Anniversariorum Monasterii S. Germani a Pratis fol. 5. verso, et in Hist. hujus Abbatiæ Jacobi Bouillart Instrum. pag. lxx. col. 1.
les Bénédictins de St. Maur, 1733–1736.
Carnificerium, Eadem notione. Litteræ Johannis Regis Franc. ann. 1356. tom. 3. Ordinat. pag. 76 :
Item, quod de carnibus grossis, que in macello seu Carnificerio dicte ville vendentur, etc.
les Bénédictins de St. Maur, 1733–1736.
Carnificiaria, Eodem intellectu, in mox laudato Anniv. libro fol. 11. verso et fol. 17.
les Bénédictins de St. Maur, 1733–1736.
Carnificina, Idem. Vide Carnifex.
les Bénédictins de St. Maur, 1733–1736.
Carnificina, Carnificium, Cædes, strages. Gasp. Barthii Gloss. apud Ludewig. tom. 3. Reliq. MSS. pag. 115. ex Hist. Palæst. Roberti Monachi. Rymer. tom. 16. pag. 216. col. 2 : Ut acerbissimis [] hostibus... patria, libertas, religio, leges prædæ et miserabili Carnificinæ exponerentur. Galli eadem notione dicimus, Carnage, Boucherie, Massacre.
les Bénédictins de St. Maur, 1733–1736.
Carnificia, Summa crudelitas, Gall. Cruauté. Bern. Breydenbach Itiner. Hierosol. pag. 157 :
An potest misericordia Dei, cujus non est numerus nec mensura, tantam sustinere Carnificiam tormentorum ? Vel ad quid, inquiunt, tantam multitudinem damnandorum creavit Deus ?
Et pag. 161 :
Ut quid, inquiunt, sustinet divina bonitas tantam stragem hominum quos creavit ? An delectat eum Carnificia tormentorum infernalium ?
les Bénédictins de St. Maur, 1733–1736.
Carnificus, Idem qui Carnifex, Lanius. Charta Libertatum oppidi S. Palladii in Biturig. ex MS. Coislin. :
Item, quilibet Carnificus de qualibet vacca, etc.
les Bénédictins de St. Maur, 1733–1736.
Carnificissa, Carnificis uxor, vel quævis alia mulier, quæ carnes vendit, Gall. Bouchere. Miracula B. Simonis de Lipnica, tom. 4. SS. Julii pag. 530 :
Item, Margareta Pawlowa de platea S. Nicolai Cracoviæ Carnificissa.
Carnificium, Macellum, in Gloss. Arabico-Lat.
les Bénédictins de St. Maur, 1733–1736.
Carnificium, Alia notione, Tributum e carnibus venalibus exactum apud Lobinellum Hist. Britan. tom. 2. pag. 197 :
Præterea etiam dedi et concessi jam dictis Monachis xxx. sol. quos annuatim percipiebam in quodam redditu meo apud Rogeium, qui Carnificium vocatur.
© École des chartes.