CARRADA, Glossarium mediae et infimae latinitatis, Du Cange et al.

CARRADA, carrata, Onus Carri, quantum Carro vehi potest : Occitanis Carrado, Gallis Charetée, vel Charrée, ut est in Consuetudine Hannoniensi art. 105. Charta Caroli Calvi pro Monasterio S. Germani Parisiens. :

De melle quin etiam Carrada una ex modiis octo, cum solita cera.

Charta Alemannica 83. ex Goldastinis :

Et de pratis ad unam Carradam.

Donationes Salisburgenses cap. 12 :

Sigebertus dedit ibi prata ad 30. Carradas.

Chronicon S. Benigni :

Prata ubi secantur Carra fœni 50.

Hist. Mediani Monasterii pag. 243 :

In eadem villa tradidit partem vineæ ad unam Carradam vini... Apud Franconis villam pratum ad sedecim Carradas fœni.

Cod. Irminonis Abb. Sangermann. MS. fol. 94. col. 2 :

Ubi colligi possunt de feno Carradas cl.

Charta Hedeni Ducis ann. 704. apud Martenium tom. 1. Ampliss. Collect. col. 13 :

Donamus tibi... prata ad l. Carradas secandas.

Charta ann. 1070. apud Miræum tom. 1. pag. 160. col. 1 :

Et nihil amplius inde mihi vel successoribus meis accipere debeat, quam Carratam vini decem et octo mediorum tantummodo.

Vide Carra. Chart. ann. 706. Leodoini Archiep. Trevir. post Irmin. pag. 341 :

Nobis persolvunt 20. gallinas et 100. ova et 20. Carradas lignorum.

Alia ann. 984. ibid. pag. 351 :

In maio integer mansus debet 2. Carradas lignorum.

Polypt. Irminon. Br. 9. cap. 153 :

De lignericia Carradam 1.

cap. 155 :

De lignaricia Carradam 1.

ap. Guerard. pag. 97. Carradæ librorum, tantus librorum numerus qui plurium carrarum onus efficiat, in Chart. Annonis II. Archiep. Colon. ann. 1074. ap. Seibertz. in Histor. Ducat. Westphaliæ pag. 34 :

Lamentabatur etiam preter pallia, preter auream tabulam altario, preter Carradas librorum, preter marmorea pavimenta, villas... ablatas.

Carrata, et Carrada, Dolii vinearii seu alterius liquoris species. Usatica MSS. Vicecomitatus aquarum Rotomagi, ubi de Teloneis vini :

Pour le tonnel de Rochelle 5. sols : pour le tonnel que on appelle Charetée 7. sols : pour la pippe 2. sols, etc.

Charta Ludov. Pii ann. 840. ap. Guden. in Syllog. pag. 448 :

Vini Carratas 20. et frumenti malteros 200.

Anonymus Hasenrietanus in Episcopis Eystetensibus :

Ego quidem de vino nihil habeo, nisi unam parvulam Carradam, quam dedit mihi sodes meus Augustensis Episcopus tantum ad sacrificium.

Udalricus lib. 2. Consuetud. Cluniac. in Præfat. :

Octo vini Carradas ad commeatum Fratrum esse collectas.

Vita Godefridi Campebergensis cap. 54 :

Sed et ripa Rheni dimidiam vini Carratam ad festive celebrandam ejusdem Apostoli Assumptionem deputavit.

Consuetudines Ecclesiæ Colon. MSS. e Bibliotheca Cathedralis Attrebat. :

Dabit Cellerarius mensæ majori et minori cuilibet xiiii. amas vini et dimidiam amam.... cuilibet Vicario iii. amas vini. Octo Officiis, scilicet Decano majori, Subdecano, Choriepiscopo, Scholastico, Cellerario, Cantori, Porsenario majori, Porsenario minori, cuilibet ipsorum datur una Carrata vini.

Ibidem :

Canonici majoris Ecclesiæ habebunt annuatim 144. Carratas vini et dimidiam Carratam.

Ibidem :

Dantur duæ Carratæ cervisiæ... scholaribus Canonicis, 1. Carrata quam consueverunt dare custodibus dormitorii ad faciendum ipsis lectos.

Adde Miracula S. Ursmari num. 23. Cæsarium Heisterbach. lib. 10. cap. 13. Vitam Balduini Lutzemburg. Archiepiscopi Trevir. lib. 2. cap. 11. Monasticum Anglic. tom. 1. pag. 779. Privilegia Ecclesiæ Hamburgensis pag. 187. Annales Colmarienses ann. 1292. 1302. Chronicon Montis Sereni ann. 1174. 1189. 1202. Chronicon Trudonense lib. 6. pag. 412. Duchesnium in Hist. Limburgensi pag. 9. Joannem Noppium in Hist. Aquisgranensi lib. 1. pag. 62. Chart. ann. 937. ap. Erath. Cod. Diplom. Quedlinb. num. 5. pag. 3. Sæpe in Collect. Guden. et Würdtwein. ubi videndi indices.

les Bénédictins de St. Maur, 1733–1736.

Cherreta, Eadem significatione. Charta Willelmi Abb. Cariloci ann. 1242. apud Perardum in Burgundicis pag. 450 :

Quod cum ipse acquitavit omne jus quod ipse habebat in Cherreta vini, quam sibi et suis et hæredibus suis debebat Prior et Prioratus de S. Marcello.

Karrata, Eadem notione, apud Monachum Sangall. in Carolo M. lib. 1. cap. 17 :

Duas Karratas talibus caseis plenas ad Aquasgrani mihi dirigere ne prætermittas.

Duabus Karratis vini in Charta ann. 1260. ap. Guden. in Cod. Diplom. tom. 4. pag. 896. etc. Vide Carra vini, in Carra.

Quarrada, in Charta Dagoberti Regis apud Doubletum pag. 656 :

Et inde inpostea de unaquaque Quarrada de melle persolvant partibus S. Dionysii solidos duos : et unaquaque Quarrada de garancia similiter solidos duos.

De Carradeci, pro de Carradis. Charta Chlodovei III. Regis apud Mabillonium :

Ubicunque telleneus, portaticus, rotaticus, vel reliquas reddebutionis a judicebus publecis exigebantur de Carradeci qui hoc inferre videntur, ad missus ipsius basileci nullatenus requireretur, nec exigeretur, etc.

Infra :

Et de ipsa Carradeci qui hoc inferre videntur, etc.

Alia Chilperici ann. 716 :

Vel reliquas redebutionis, quod a judicibus publicis exigetur de carra eorum qui hoc inferre videntur.