CARREDA, Glossarium mediae et infimae latinitatis, Du Cange et al.

CARREDA, Carredum, Carregium, etc. Vecturæ onus quod vassalli domino exsolvebant, Carropera. Charta Beatricis Comitissæ Cabilon. ann. 1180. apud Francisc. Chiffletium :

et in universa terra ejus non habeo talliam, vel porcellagium, vel besenagium, vel messionagium, seu annonagium, vel Carredum.

Et infra :

Dictum est præterea quod in Carredo Prioris, quo vinum de vineis suis, aut alienis ad usum Monachorum de partibus Cabilonensibus adducere solet, non debeo pedagium accipere.

Carreda, in Charta Philippi Reg. Fr. ann. 1170. apud Perardum in Burgundicis pag. 244.

Carretum. Tabularium Monast. Longipontis in Diœcesi Paris. :

Dom. Guido Trossellus.... dedit Deo et S. Mariæ de Longoponte consuetudinarium Carretum, et fossatum de Ver, quæ pater suus et idem ipse in eadem villa habuerant.

Carreium, Idem quod Carredum. Charta Henrici II. Regis Angl. tom. 2. Monastici Anglic. :

Item ab operibus castellorum et parcorum, pontium clausuris, et omni Careio et summagio et navigio, et domuum Regalium ædificatione... liberi sint.

Tabularium Majoris Monasterii :

Dimisit consuetudines omnes quas habebat in terra de Loiri, vicariam scilicet et commendisiam, et Carreium.

Tabularium Lascar. apud Marcam lib. 5. Hist. Beneharn. cap. 11 :

Liberaverunt totum proprium honorem S. Mariæ de tot Carreii, et de toto damno, et de tot carnal, et de toto opere.

Chartularium Camalariense :

Mansus Rigaldenchus debet octo sextarios annonæ et civatæ tres eminas, et recetum, et in vindemii pro Carreia xii. denar.

Pluries ibidem legitur multifariam exaratum, Carreium, Careium, Carreum, Careum. Charta anni 1257. apud Thomasserium in Biturig. pag. 92 :

Pro Chareyo bis in anno dicto Decano sex libras Turonenses.

Consuetud. Solensis tit. 10. art. 11 :

En Carreys ne autres manobres, no son tengus de anar, etc. Charroy,

in Consuet. Burbonensi art. 339. Arvernensi cap. 17. art. 15. 16. cap. 25. art. 18. Marchensi art. 430. etc. Charta Stephani Comitis Burgundiæ et Auxonæ ann. 1229. apud eumdem :

Li hommes d'Auxonne doivent au Seigneur l'ost et la Chevauchie, et le charroi en la chevanchie.

D. le Beuf Canonicus et Subcantor Ecclesiæ Autissiod. antiquitatum curiosus indagator, nos admonuit, ignotum esse Stephanum hunc, nullumque fuisse hujus nominis Burgundiæ et Auxonæ Comitem saltem ann. 1229.

Carregium, in Concilio Bituricensi ann. 1031. cap. 15. et Burdegal. ann. 1255. cap. 29. Tabularium Vindocinense Ch. 104 :

Terra de Musteriolo, quæ fuit Odonis Rufini, recta commendisia est Comiti de foduro et Carregium.

Infra :

Ad moncellum omnem consuetudinem habebat, tensamentum, Carregium, vicariam.

Notitia Radulfi Vicecomitis Thoarcensis, in Tabulario S. Cypriani Pictav. fol. 35.

Neque bidannum, neque plaustra hominum, hoc est Charragium, etc.

Charta Galeacii Comitis Virtutum ann. 1377 :

Valeat imponere fodra, et taleas, rogias, et Caregia, quæstas, etc.

In alia ejusdem anni :

Fidelitatibus, homadiis, rogidiis, Carigiis, indictionibus, etc.

Joann. Villaneus lib. 8. cap. 58 :

Onde il Careggio del Re, che adduceva la vinanza, per li sfondati camini non potea venire.

Bestia Carregii, in Saisimento Comitatus Tolosani, apud Lafallium tom. 1. Annal. Tolos. pag. 17.

Caragium, Charta Gaufredi Comitis Andegav. ann. 1048. pro fundatione Abbat. O. SS. Totum vinagium, et totum Caragium boum et asinorum, etc.

les Bénédictins de St. Maur, 1733–1736.

Carratgium. Charta anni 1308. apud Baluzium tom. 2. Hist. Arvern. pag. 782 :

Item homines usatgii non debent toltam, talliam, Carratgium, vel manobriam hominum, boum, asinorum.

Carrale, Idem quod Carredum. Charta Theodorici III. ann. circiter 688. apud Felibian. Hist. Sandionys. pag. ix :

Ubi pro oportunetate ipsius Basilicæ, vel necessitate Fratrorum tam in Niustreco, quam in Austrea, vel in Borgondia ambolare aut discurrere videntur, tam Carrale, quam de navigale, nullus quislibet de judicibus nostris, vel de tellonearis, nullo tillonio de ipsa carra exigere, nec requirire non præsumatur.

Privilegium Caroli M. pro Abbatia S. Germani Paris. apud Aimoinum lib. 5. cap. 1. et Willelm. Hedam in Rixfrido Episcopo :

Nec de navale, nec de Carrale, neque de saumis ... teloneus exigatur.

Tabular. S. Petri Generensis, apud Marcam lib. 5. Hist. Beneharn. cap. 4 :

Census autem hic est, semel recipere Abbatem in anno, et 6. solidos in tertio anno ; et ire Carrale.

Fori Bigorrenses art. 14 :

Liberi pacem habeant, et ter in anno in Karrali Comitali vadant.

Id est, vectura, quæ ad Comitem Bigorræ pertinet. Carralia opera, quæ carris et plaustris exercerentur. Capitula Caroli M. lib. 1. cap. 81. 75. ex Capitul. I. ann. 789. cap. 79. Baluz. cap. 80. Pertz. ubi uterque Carraria. :

Tria Carralia opera licet fieri in die Dominico, id est, hostilia carra, vel victualia, vel angaria, et si forte necesse erit corpus cujuslibet duci ad sepulcrum.

Fori Bigorrenses art. 13 :

Si in proprios usus vinum proprium habuerit, aut collo deferat, aut Karrali. Charral de vin,

in Statutis Metensibus tit. 2. art. 18.

les Bénédictins de St. Maur, 1733–1736.

Carralis, apud Lobinellum in Glossario ad calcem Hist. Britan. : Acceperunt Carralem de vino dandam Nominoe.