« »
 
[]« Carticinea domus » (par L. Henschel, 1840–1850), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 195b. http://ducange.enc.sorbonne.fr/CARTICINEA
CARTICINEA Domus, Casa stramento tecta seu palustri herba, quam sequioribus temporibus papyrum dicebant. Ita Marinius Pap. Diplomat. pag. [] 241. num. 48. not. 2. et pag. 364. num. 132. not. 4. ubi excitat Chart. ann. 1056 :
Ortus pomatus cum duabus domucellis Carticineis.
Alia ann. 1022 :
Domus de tendia terrinea scandolicia et Carticinea. Carticinea
etiam legendum censet in Chart. ann. 994. in Annal. Calmad. tom. 1. append. pag. 125 :
Domus terranea scandalicea Cartagnivea.
Alia ann. 1062 :
Domus terrinea scandalicea et Cartiquicia cum orticello post se.
Inde Carticinium dictum vult locum ubi tales herbæ crescunt in charta ann. 1166 :
De tota terra sementaricia cum pantano et Carticinio et pratalia, etc.
Videndum tamen an Carticinea domus, cum eadem semper scindulicia dicatur, sit laminis tecta ; Chartam plumbeam enim pro lamina plumba habet Suetonius in Nerone cap. 20. Conf. Carratio.
© École des chartes.