CASALE, Glossarium mediae et infimae latinitatis, Du Cange et al.

CASALE, Idem quod Casalaticum. Veteres Consuetudines Bituricenses editæ a Thomasserio pag. 112 :

Quod pro quolibet Casali sito in censibus nostris et rebus pertinentibus ad Casale, quod Casale cum pertinentiis tenebant homines quondam talliabiles, reddentur nobis viginti bosselli avenæ, et viginti denarii Turonenses censuales accordabiles, vel tantum, seu pro rata quam tenebunt de Casali.

Quæ sic Gallice redduntur in Consuetud. de Troy in eodem agro Bituric. :

Item par ladite Coutume et droit prescrit de temps immemorial, ledit Seigneur a droit de prendre sur chacun Chezeau etant audit censif six boisseaux de marseche, et trois parisis de cens accordables, payables comme dessus, et pour demi Cheseau trois boisseaux de marseche, et un dernier obole parisis.

P. Carpentier, 1766.

◊ Accipi etiam videtur pro prædio rustico, casa scilicet cum certa agri portione, idem proinde atque Mansus. Reg. sign. Probus fol. 32 :

Bernardus Mandaers tenet de comite Casale domorum suarum cum curtili, et debet inde j. sestarium siliginis.

Charta admort. ann. 1415. in Reg. 168. Chartoph. reg. ch. 328 :

Item pro una borda, duabus punheriatis Casalis sitis ad rivetum, unum denarium Tolos. Chasal,

eadem notione, in Ch. ann. 1303. ex Bibl. reg. :

Un Chasal, qui fu Oudart Jouvenet, ....... o toutes ses appartenances, soit en vergiers, hoches, chasaus, mesons, aubraies, bois, bouissons, etc.

Vide Casata 1.

les Bénédictins de St. Maur, 1733–1736.

Casale, Casa, tugurium. Vita S. Nicolai de Rupe tom. 3. MSS. Martii pag. 421 :

Abditiorem igitur secessum quæsivit in nemore suo, supra montem primo a patria sua lapide distantem ; illic humile Casale sibi erexit.

Casale, Certus Casarum numerus, villa, suburbanum, προαστεῖον. Charta scripta Ravennæ sub Justiniano apud Brissonium de Formul. pag. 648 :

Ex Casale Petromano territ. Bononiense, etc.

Anastasius in Adeodato :

Multa ædificia nova augmentavit, sed et Casalia conquisivit.

Will. Tyrius lib. 18. cap. 19 :

In suburbanis, quæ vulgo Casalia appellant.

Lib. 20. cap. 20 :

Suburbanorum adjacentium, quæ nostri Casalia dicunt.

Hugo Falcandus pag. 680 :

Duas ei villas optimas, quæ Siculi Casalia vocant, dari fecit.

Liber de constructione castri Saphet apud Baluz. tom. 6. Miscell. pag. 368 :

Habet castrum Saphet sub dominio et districtu suo Casalia, quæ in Gallico villæ dicuntur, plus quam 260.

Charta anni 1184. ex Archivo Monialium S. Salvatoris Massil. :

Concedo Casale... Margara cum territorio et pertinentiis... cum villanis omnibus... Concedo Casale Bethese, pro quo dominus et avunculus meus Rex Balduinus Militibus templi singulis annis xl. bisantios valens contulit.

Charta Langob. ann. 765. ap. Brunett. pag. 586 :

Terra pusetas in Casale Quarentule, etc.

Vide Raymundum de Agiles pag. 143. Will. Tyrium lib. 11. cap. 12. lib. 20. cap. 13. Matth. Paris, Bromptonum, Itiner. terræ sanctæ Fratris Richoldi in Guden. Syllog. Dipl. pag. 385. Epistol. Magist. dom. Theuton. ap. Pertz. vol. Leg. 2. pag. 263. et alios passim. Dicitur et

Casalis, mascul. gener. Anastasius Bibl. in S. Adriano PP. :

Civitatem Ravennatium, et Casales, ac omnia præsidia occupans.

Infra :

Ubi et alios plures fundos seu Casales, et massas... emere visus est.

Histor. Translat. S. Guthlaci n. 17 :

In hac ruricola quidam fundum, Casalem, paucaque novalia possidebat.

Adde Diurnum Romanum cap. 6. tit. 11. cap. 7. tit. 22. Chartam Caroli Crassi Reg. apud Puricellum in Ambrosiana Basilica pag. 227. Casale, non semel occurrit apud Joan. Villaneum lib. 4. cap. 25. lib. 7. cap. 144. lib. 10. cap. 171. Statuta MSS. Caroli I. Reg. Sicil. cap. 115 :

Vilains qui habitent es viles et es Caseaux, ne puissent estre mis avant por tesmoins contre Comtes, ou contre Baron ou simple Chevalier.

Casualis, Casualus, Eadem notione. Tabular. S. Cyrici Nivern. Ch. 22 :

In agro Magniacense, in villa Lursiaco, hoc est Casuales cum vineis et artilibus, ubi colligi possunt vini modii 50.

Ch. 41 :

Et quod vocatur a rusticis vetus Clausum cum Casuale et puteo.

Et Ch. 85 :

Cum pratis, masnilibus, Casualibus, et arabile terra.

Chartular. Monasterii S. Sulpicii Bituric. fol. xi. verso :

In villa quæ dicitur Boscheto, hoc est, mansus meus indominicatus una cum Casuali, casis, domibus, edificiis, etc..

Ibidem fol. 20 :

Ibi est una Casualis, vineis, etc.

Et fol. 22 quater aut quinquies legitur :

Terram arabilem cum Casualos.

Casale Ostendere, Familiam et natales suos in jure probare. Observantiæ Regni Aragon. lib. 9. tit. de Salvis Infantionum faciendis § 4 :

Illi qui faciunt salvam (Infantionatus) non tenentur Ostendere Casale suis convicinis, quia hoc non pertinet ad eos petere, sed ad Dominum Regem, cum ipse certificari voluerit de Casali illorum, etc.

Adde Foros Aragon. lib. 7. tit. de conditione Infantionatus, et tit. seq.

les Bénédictins de St. Maur, 1733–1736.

Casalicum, in Charta Walardi ex Chartulario Ecclesiæ Aptensis fol. 129 :

Quantum visus sum habere in Casalicis, curtis, exavis, vineis, campis, etc.

Idem Chartul. fol. 125 :

Cum ipso campo, cum ipso Casale, cum exago suo.

Et fol. 118 :

Cum casis, Casalicis, curtis, sylvis, etc.

les Bénédictins de St. Maur, 1733–1736.

Casalicium, in Donatione Willelmi Comitis inter Acta SS. Maii tom. 6. pag. 820 :

Cum casis, Casaliciis, campis, vineis, pratis.

Chron. Farfense apud Murator. tom. 2. part. 2. col. 464 :

Item pro solidis xx. dedit intra civitatem Reatinam Casalicium ad forum, et subtus muros ejus petias terræ et vineæ v. modiorum xxii. Casalicium

hic pro domo sumitur.

les Bénédictins de St. Maur, 1733–1736.

Casaliculus, ibidem col. 369. in Bulla Stephani PP. IV. ann. 817. pro Monasterio Farfensi :

Inter ea casalem Pipinianum cum casis et vineis, seu olivetio, et colonis ; item casalem Scandilianum peruncias viii. necnon et Casaliculum, qui nominatur Antiquus.

les Bénédictins de St. Maur, 1733–1736.

Chazale. Charta Adalardi Arvernorum Episcopi ann. 905. inter Instrum.

tom. 2. novæ Gall. Christ. col. 130 :

In Montiniaco vineam unam cum Chazale unum et campo uno :

hic Chasale non plures casas, sed unicam domum rusticam, ut alibi non semel ipsa vox Casale, potest designare.

les Bénédictins de St. Maur, 1733–1736.

Chazalis. Charta Petri Armandi ex Tabulario S. Petri Solemniac. :

Dono unum Chazalem ad eleemosinam S. Petri, etc.