« »
 
[]« Cascavellus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 202b. http://ducange.enc.sorbonne.fr/CASCAVELLUS
CASCAVELLUS, Cascaviellus, Campanula, nola, vox Hispanica, Cascavel, sonalium, Neubrigensi. Gallis Grelot, Sonnette, Crotalum, Provincialibus Cascavau. Statuta Ecclesiæ Massil. ann. 1235 :
Indumenta Canonicorum et aliorum Clericorum sint honestati congruentia clericali. Nec utantur sotularibus, vel sellis pectoralibus, vel calcaribus deauratis, aut cascavellis ;
scilicet equorum collo appensis, ut olim erat in usu, atque etiamnum videmus in mulis vectoriis et clitellariis. Inventarium ornamentorum Abbatis S. Victoris Massil. ann. 1358 :
Item in extremitate pendentis mitræ sunt sex parvæ cathenulæ cum sex longis Cascavellis argenteis deauratis.
Fori Oscenses Jacobi I. Regis Aragon. ann. 1247. fol. 16 :
Quicunque in hastiludio commiserit homicidium, vel fecerit damnum fortuito casu, teneatur solvere homicidium, et emendare damnum, nisi portaverit campanetas, Cascaviellos : qui autem portaverit, non teneatur dare.
P. Carpentier, 1766.
◊ Glossar. Provinc. Lat. ex Cod. reg. 7657 : Cascavel, Prov. nola.
© École des chartes.